Showing posts with label Blogger. Show all posts
Showing posts with label Blogger. Show all posts

Last Updated: 12 February 2018

Hello friends...
Agar apka blog hai. To apne blog website google search console me submit kiya hi hoga. To apko google search console ki taraf se ek email aaya hoga. jisme apko "Submit Sitemap" padhane ko mila hoga. To aj ham yahi baat karenge ki google search console me blogger blog sitemap kaise submit kare. Kyunki blog ke SEO ke liye sitemap submit karna bahut jaruri hai. Sitemap ke bagair hamara blog google search results me aa hi nahi sakta. Sabse pahale ye baat karenge ki what is sitemap ?
google-search-console-sitemap-kaise-submit-kare
Sitemap
Wapka sitemap kaise generate kare or google webmaster tool me kaise submit kare.

Sitemap kya hai, kise kahte hain:

Jaisa ki iska naam hai sitemap. Map ka matlab naksha hota hai. Or sitemap ka matlab hai hamare blog ka naksha. Sitemap hamare blog ke posts ki URL ki puri list hoti hai. Jo ki XML file me hoti hai. Hamare blog me kitne post hai, kitne naye post hue hain, kitne post updated hain. Ye sab jaankari google search console, sitemap dekh kar hi pata lagata hai. Or uske baad vo post ko index karta hai.

Sitemap submit karna kyu jaruri:

Bina sitemap submit kiye, search console hamare blog ke posts ko index nahi kar payega. Or hamari post tab-tak google search results me nahi aa sakti. Jab-tak ki hamari blog post index na hui ho. Agar apki post index nahi hui hai. To ap us post ko search results me nahi dekh sakte. Ham google me jo bhi search karte hain. Or hame jitne bhi result milte hain. Vo sare posts google search console me index hote hain. Isliye Google search me dikhai dete hain. To agar ap search engine se organic traffic chahte hain, to sitemap submit jarur karenge. To ab ap samajh gaye honge ki sitemap submit karna kyu jaruri hai.



Phone se template kaise edit kare.
Social shear or social follow me kya me kya antar hai.

Sitemap kaise banaye:

Sabse pahle apko sitemap generate karne ke liye Sitemap generator me jana hoga.
blogger-website-ke-liye-xml-sitemap-kaise-generate-kare
Sitemap generator tool
Apko aisa page milega. 
  1. Apni blog website ka url likhiye.
  2. More options par click kijiyega to baki ke option aa jayenge.
  3. Page last modification on kijiye. 
  4. Ab "Page Priority" on kijiye.
  5. "Change Frequency" ko Always par set kijiye.
  6. Ab Start par click kijiye. 
Ab apko kuchh minutes intezar karna hoga. Sitemap generate hone me waqt lagta hai. 
Sitemap-is-generated
Sitemap generated
Apka sitemap taiyar ho chuka hai. Ab apko bas google search console me sitemap submit karna hai.

Google search console me sitemap kaise submit kare:

Sabse pahale apne google search console me jaiye. (Google search console me blog website kaise submit kare) fir jis website me sitemap submit karna ho. Use select kare.
Google-search-console-sitemap-add
Add Sitemap
Ab ap Crawl fir Sitemap me jaiye. Fir Add test Sitemap par click kare.
Google-search-console-sitemap-submit
Sitemap submit
Ab ek new window khulegi. Is khali box me bas sitemap.xml type kar ke likhiye fir Submit kar dijiye.

Robot txt file kya hai google search console me kaise submit kare.

To ab ap samajh chuke hain ki google search console me blogger blog sitemap kaise submit kare. Abhi yahan par apko sitemap pending show raha hoga. To chinta mat kijiye. Kyunki sitemap submit hone me time lagega. Lekin agar apko yahan pending ke sath-sath error bhi show kar raha hai. To error ko fix karna bahut jaruri hai. Padhe sitemap error kaise fix kare.

Last Updated: 10 February 2018


Hello friends...
Is post me ham Subscribe to: Posts (Atom) or Subscribe to: Comments (Atom) ke baare me baat karenge. Ye kya hai or ise kyu hataye ? Ye sab janenge.

Subscribe to: Posts (Atom) sare posts ke niche dikhai deta hai. Or Subscribe to: Comments (Atom) comment box ke upar hota hai. Ye Hamare blog ko, koi nuksaan to nahi pahuchata. Par blog ka look kharab kar deta hai. Iski madad se visitors hamare post or comment ko aasani se subscribe kar sakte hain. Lekin agar ap ise hata bhi de. To subscribe karne ke liye. Ap apne blog me feed burner laga sakte hain. Jisase apke blog ka look bhi achcha hoga or visitors apke blog ko subscribe bhi kar payenge. Blog ko achcha dikhane ke liye ham Naya template download karte hainFavicon change karte hainQuick edit icons hatate hainNavbaar off karte hain. Or Powered by blogger hatate hain. Blog ko achcha design karne ke baad. Sirf Subscribe Atom ki wajah se blog ko kharab nahi kar sakte. To ise hide karna hi hamare blog ke liye sahi hai.

To ab baat karte hain ise hatane ki. Ise chupane ke do tarike hain. Dono hi tarike CSS code se Subscribe (Atom) hatane ki hai.

Pahla tarika.

Blog me jaiye. Template. Edit HTML par click kare. 


Ab kahin bhi click kar ke, Ctrl+f daba kar. Ye ]]></b:skin> code kare. Or isi code ke upar ye .feed-links {display: none !important;} code paste kar dijiye. Ab template save kar dijiye. Atom link hide ho jayegi. 

Dusra tarika.

Yahan bhi apko template me jaa kar CSS code delete karna hoga. Kahin bhi Ctrl+f bada kar ye 

<b:include
data='feedLinks'name='feedLinksBody'/>

Code delete kar dijiye. To apka Atom hat jayega blog se. 

Kisi bhi tarah ke paresani hone par comment me puchh sakte hain. Ap chahe to hamare Facebook page par post karke bhi madad mang sakte hain.
Hallo friends...
Aj ham baat karenge ki, free website blog kaise banaye. Dosto aj internet kai sare free hosting website builder hai. Lekin un sab me se blog ya website banane ke liye Blogger (Blogspot) mere khyal se sabse achchha free hosting website builder hai. Ise bas ek baar samjh jana hai. Uske baad isme sara kaam aasan ho jata hai. Khair, pahli baar har kaam mushkil lagata hai. Or bahut se ye sochate hain ki kya phone blogging kar sakte hain. To is par mera javab hai ki "haa phone se blogging kar sakte hain. 100% nahi kar sakte, lekin 90% to kar hi sakte hain. To agar apke paas computer nahi hai. To bhi ap blogger ban sakte hain. Or ye ham apne blogging ke dhai saal ke experience se kah rahe hain. To ab baat karte hain ki blogger kya hai.



free-blog-website-kaise-banaye
Create free website

Blogger kya hai:

Blogger ek free hosting website builder platform hai. Jiska naam pahle Blogspot tha. Lekin baad me iska naam change kar ke blogger rakh diya gaya. Or blogger me free website create kar sakte hain. Jaisa ki hamne bataya tha ki site banane se pahle kya-kya plan karna jaruri hota hai. Unme se ek ye planning karna bhi jaruri hai ki website kis platform par create kare. Mere khyal se free blogging karne ke liye, blogger ek achchha platform hai. 
  • Ye google ka diya hua ek free service hai. Jispar ap free website create kar sakte hain. 
  • Agar ap naye hain. To apko shuruaat free platform par hi karna chahiye. 
  • Blogger me ap free or paid dono tarah ki website bana sakte hain. 
  • Ap apni hosting kharid kar bhi blogger me website bana sakte hain. 
  • Isme free website banane ki koi limit nahi hai. Mera matlab hai ki kuchh website builder apko ek saal tak free hosting deti hai. Uske baad apko hosting kharid kar website chalani padti hai. Lekin blogger ke sath aisi koi limit nahi hai. 
  • Blogger ke sath ek fayda ye bhi hai ki ap isme apne blog ka backup bhi rakh sakte hain. Taki blog remove hone par aapki mehnat bekar na jaye. 
  • Blogger me ap downloading website nahi bana sakte. Kyunki isme music, video upload ka koi option nahi hota. Haa ap video or image upload kar sakte hain apne post par. Par use download karne ka koi option nahi hota. Agar blogger par downloading website banani ho. To ek alag technique se banani padti hai. 
  • Blogger me ap direct youtube video url se bhi add kar sakte hain.
Waise free website builder ke sath ek problem bhi hai. Agar apne thik se website builder ki terms & conditions ko follow nahi kiya. To vo apki website kabhi bhi remove (delete) kar sakte hain. Isaliye free website sirf shuruaat ke liye hi behtar hai. Pure blogging career ke liye nahi.
Ye rahi blogger se related kuchh baate. Ab blog create karna batate hain.




Blogger me free blog/website kaise banaye:

Sabse pahle apko Blogspot par jayen.
blogger-blogspot-sign-in-kare
Blogger free website builder
Ap blogger website me pahunch jayenge. Ap SIGN IN par click kijiye. Ap ek dusre page me pahunch jayenge. Wahan apko apna gmail address daal kar next karna hoga. Fir gmail password daal kar next par click karna hoga. Yaad rakhe, blogger apko apne gmail account se hi login karna hota hai. Isme new account create karne ki jarurat nahi hai. Agar gmail account nahi hai. To Gmail account banaye.
continue-to-blogger
Continue to Blogger
Ab apko aisa page milega. Yahan apko blogger ke liye profile set karne ke liye kahta hai. To yahan aap google+ ka profile use kar sakte hain. Agar Google+ account nahi hai. To ap "Switch to a limited Blogger profile" bhi create kar sakte hain. Isme click karte hi apko Display name likhne ke liye kaha jayega. To ap apna naam likh sakte hain. Lekin Google+ ka profile use karna jyada faydemand hota hai. Google+ me bas apna gmail or password daal kar login kar lijiye. Or profile set kar dijiye. Google+ profile ready ho jayega. Profile set hone ke baad "Continue to Blogger" par click kijiye.
create-new-blog-on-blogger
New blog
Ab screen ke left side me upar New blog (yahin par apko apne sare blog ki list dikhai degi) par click kijiye. Or ek baar fir se New blog (har baar new blog create karne ke liye yahi option use karna hai) par click kijiye.



create-a-free-new-blog-website
Create a blog!
Ap ek pop-up window khulegi.

  1. Title me apko apne website ka naam likhna hai. Jis naam ka ap website chahte hain. Vo likhiye. Is title ko ap baad me change bhi kar sakte hain. 
  2. Address me apko apne website ka link (url) set karna hai. Isi address se apki blog website open hongi. Lekin address bilkul unique hona chahiye. Jise kisi ne bhi use na kiya ho. Agar apka address unique nahi hua. To apko "Sorry, this blog address is not available" massage show hoga. Aisa hone par ap dusra address type kijiye. This blog address is available ho jane tak naya address type karte rahiye. Agar yahan apko apne pasand ka address na bhi mile. To koi baat nahi, ap custom domain use kar ke naya blog address pa sakte hain. 
  3. Theme me ap koi theme select kijiye. Ye apke blog ka look design hota hai. 
  4. Ab last me Create blog par click kar dijiye. 
Apka free blog website ban chuka hai. To is post me apne padha ki free website blog kaise banaye. Or ye sab hamne android phone par kiya hai. Yani ki ap phone se blog bana sakte hain
Blogger-website-me-header-image-kaise-lagate-hain

Hello friends...
Aj is post me ham apko batayenge ki blog website me header logo (image) kaise lagaye. Pichhali post me hamne aapko bataya tha ki, kaise ap bina image editing seekhe bhi ek stylish logo bana sakte hain. Agar ap logo banana nahi jante. To ye post padhe header logo kaise banaye.

Last Updated: 08 February 2018

Website-blog-se-paise-online-kamaaye-ads-Kahan-se-le

Hello friends...
Aj is post me ham vo jaankari dene wale hain. Jiska intazaar aap sab bahut time se kar rahe the. Aj ham apko Wapka or blogger website se paise kaise kamaye. Urja sahi tarika batayenge. Or website me ads lagane ke liye. Ap ads kis website se le. Ye bhi batayenge.

Sabse pahle ham ek baat clear de. Agar ap HindiMeSeekhe blog ko follow karte hain. To aapko pata hoga. Ki meri ye blog, blogger me bani hai. Or Wapka or blogger, dono hi alag-alag type ke website builder hai. Or in dono me ads lagane ke liye websites bhi alag-alag hai. Ek baat to ham saf-saf clear kar rahe hain ki Wapka par ads lagane wali jitni bhi ads website hai. Unke ads ap blogger me bhi laga sakte hain. Lekin blogger ke liye. Jo bhi ads dene wali website hai. Unke ads ap Wapka website me nahi laga sakte.



Website se ya blog se paise kaise kamaye:

Sabse pehle to ham ye baat clear kar de, ki website bana lene se kamai nahi hoti. Website ek platform hota hai. Jahan se ap online paisa kama sakte hain. Kuchh log sochate hain ki jitne jyada song ya video download honge. Utne jyada paisa kamai hoga. Par ye baat puri tarah se galat hai. Wapka website kya, blogger, WordPress or php websites se bhi paise kamane ka ek hi tarika hota hai. Vo hai website me ads laga ke paise kamana. Apne har website me dekha hoga. Upar, niche ya post ke bich me ads lage hote hain. Aisa isliye hota hai. Kyunki unhone apni website me ads lagaye hain.

Ads lagane se earning kaise hogi:

Sara khel vigyapan (advertisement) ka hai. Ap ye baat jante hain ki, aj ka jamana competition ka hai. Or har roj kai naye udyog (industry) khul rahi hai. To uske prachar ke liye koi to madhyam chahiye naa. To internet ek bahut bada madhyam hai, apne product ka prachar karne ka. Bharat me Android phone ka istemal badi teji se saal-dar-saal badh raha hai. Or utni hi teji se internet ka istemaal bhi badha hai. To kyunki hamare paas website ke roop me, ek bada network hota hai. To is isliye hame ads companies unke ads ko hamare website me dikhane ke liye paise deti hai.




Ads website paise kaise deti hai:

Koi bhi ads website aapko apni personal jeb se paise nahi deti. Balki jo vigyapan data (khud ke products ka prachar karane wale) vo apna prachar karwane ke liye. Ads website ko paise deti hai. Bas usi paiso ka kuchh hissa, ads website apne paas rakh leti hai. Or baki ka paisa aapko de deti hai.

Ads website kitne paise deti hai:

Aapko do tarah se paise diye jate hain. Ek CPC or dusra CPM. CPC yani cost per click. Or CPM yani cost per months. Koi nischit nahi hai ki apko har mahine kitne CPC or CPM milenge. Ye aapke website ki traffic par nirbhar karta hai or is baat par nirbhar karta hai ki aapke ads par kitne click hote hain. Jitna jyada traffic hoga. Utna jyada CPM milega. Or jitne jyada click honge. Utne jyada CPC milenge. Kuchh website CPC or CPM dono ke paise deti hai. To kuchh sirf CPC ke hi paise deti hai.




Blogger website se paise kaise kamaye:

Blogger se paise kamane ka sabse achcha tarika hai ki aap apne blog me, Adsense ke ads lagaye. Kyunki Adsense hi sabse jyada paise deti hai CPC or CPM ke. Lekin Adsense account approve hona bahut mushkil hai. Iske rule bahut hi kadak hai. Sath hi apke blog ko 6 months purana hone ke baad hi Adsense ke liye apply kar sakte hain. Lekin agar ap Adsense ke ads nahi laga pate. To ap Chitika, Bidvertiser, Infolinks websites ke ads apne blog me laga sakte hain. Ya fir ap affiliate marketing kar ke bhi paise kama sakte hain. Adfly ka istemal bhi kar sakte hain. Or Linkbucks bhi use kar sakte hain.

Wapka site se paise kaise kamaye:

Website me sirf ads lagana hi kafi nahi hai. Balki ads kis tarah se lagaye. Ki uspar click bhi ho. To is vishay par ham koi dusri post likhenge. Filhaal ham apko Wapka website me ads lagane ke liye. Ads dene wali websites ka naam batane wale hain. Waise to kai sari websites hai. Par ham apko sirf 6 websites ke naam batane wale hain.
Ham jitne bhi websites ka naam batane wale hain. Unme se kuchh websites khud use ki hain. To kuchh ko dusre Wapka webmasters ke anubhav ke aadhar par sujhae de rahe hain. Isliye inme se koi bhi website ap apne jimmedari par istemal kare. 


www.uc-union.com

Ye ek aisi website hai. Jiske ads ap wapka or blogger dono me laga sakte hain. Iske ads wapka website me asani se lag jati hai. Or professional look deti hai. Ye UC browser ke owner ke dwara banai hui website hai. Jo special mobile user ke liye hai. Isme ads code or ads link dono milte hain. Ap isase kafi achcha paisa kama sakte hain. Hamne ye website use kiya hai. $10 ke baad paise nikal sakte hain. Or PayPal, Payoneer ya Bank account me paise transfer karwa sakte hain. 

Popads.net

Ye website hamne istemaal nahi kiya hai. Lekin is website ek bahut bade webmaster ne recommend kiya hai. Hamne website check kiya hai. No risk website hai. Kabhi bhi payment request kar sakte hain. Payment ap PayPal, AlertPay and Wire Transfer se pa sakte hain. 

9ads.in

Ye ek third party advertise website hai. Is website ko bhi kafi wapka masters use karte hain. 70 valid click ke $1 dene ki baat description me likhi hai. Is baat me kitni sachchai hai ? Ye hame nahi malum. Payment ap $0.30 par hi nikal sakte hain. Ap direct recharge bhi karwa sakte hain. 

Adzmaza.in

Hame ye website bhi bahut achchhi lagi. Isme payment process bahut easy hai. Isme ap Recharge payment, Airtel money payment, Bank payment ke sath-sath Paytm payment bhi le sakte hain. Isme apko per click ke $0.007 milte hain. Jo ki ek click ke liye achchhi dhanrashi hai. But agar apne fraud click karwaya. To apki website block bhi ho sakti hai. 

Adf.ly

Ye ek url shorter website hai. Isme aapko ads ke code nahi milenge. Lekin haan! Is website ki help se, kai tarah se online income kar sakte hain. Ye ek bahut popular website hai. Is website ki help se, ap bina kisi website ke bhi paise kama sakte hain. Kyunki ham khud is website ko use karte hain. To hame malum hai, ki is website ke jariye. Paise kamane ke koun-koun se tricks hai. To aage ham adf.ly se income kaise kare. Iski jaankari dene wale hain. To ap is website me register kar lijiye

Linkbucks.com

Ye bhi adf.ly jaisi hi website hai. Or is website ko bhi ham use karte hain. Is website me bhi apko only link milenge. Lekin jaisa ki hamne bataya. Ki link ke madhyam se kamane ke kai tricks hote hain. To is website se bhi ap kai tricks ka use kar ke kama sakte hain. Agar apko adf.ly use karne me problem ho rahi hai. To Linkbucks dusra best option hai. Ham aane wale time me linkbucks ki bhi information denge. To ap isme bhi account bana sakte hain.



To friends ab ap online, website se paise kamane ka tarika jaan gaye honge. Comment kar ke bataye. Agar kisi chij ke bare me janana ho to. 😊