Monday, November 20, 2017

Blogger Custom robots header tags, post me use karne ke fayde or nuksan

blogger-Custom-robots-header-tags-post-me-use-karne-ke-fayde-or-nuksan-kya-hai.

Hello friends...
Hamne pichhale hi post me aapko blogger ke advance SEO feature, Custom robots header tags ke bare me vistaar se bataya hai. Agar aapne ye post padha hai. To apke man me kuchh sawal aaye honge ki, kounsa custom robots tags istemal karne se, kya fayda hai, or kya nuksan hai. To is post me ham aapko yahi samjhane ki koshish karenge ki kis custom robots tags ko use karne se, kya fayde hain or kya nuksan.

blogger-custom-robots-header-tags-post-me-use-karne-ke-fayde-or-nuksan-kya-hai

Blogger ke har post settings me se ek setting, custom robots tags ki bhi hoti hai. Jinme kul milakar 10 tags hote hain. Or har tags ko select karne se, aapke post ke SEO par bahut asar padta hai. Isliye sare tags ke fayde or nuksan dhyan se padhiye.

blogger-post-me-custom-robots-tags-kaise-use-karne-ke-fayde-or-nuksan.jpg

Ye option har post me pahle se enable nahi hota. Ise enable karna hota hai. Jiske bare me hamne apko bata diya hai.

Custom robots header tags use karne ke fayde or nuksan: 

Ab ham aapko har options ke fayde or nuksan batate hain. 

All:

  • Fayda - aapki post ko sirf fayda hi hoga. Kyunki isase aapke post ke content, tags, comments, images, links sabhi chijen index hogi. Or follow ki jayegi. 
  • Nuksaan - nuksan sirf tab hoga. Jab ap post ko index karna nahi chahte honge. Anyatha koi nuksaan nahi.

Noindex:

  • Fayda - agar ap post ko index nahi hone dena chahte. Tab ye option select kare. Apki post ko google dekh to payega. Lekin use index nahi karega. 
  • Nuksaan - bina index hue, Post google search results me nahi aati. Ye select karne se aapko kabhi bhi is post par Google search se click nahi mil payega. To agar ap chahte hain ki ye post logo tak pahunche. To ye select na kare. 




Nofollow:

  • Fayda - agar aapne apni kisi post par kisi aisi website ki links rakhi hai. Jiska content apke blog se na milta ho. Ya fir apne affiliate links rakhi ho. To un links ko google na follow kare. Wahi behtar hai. Kyunki hamare post se un website ko jo backlink milega. Vo low quality ki hogi. Jisase us blog ya website ko nuksaan hoga.  Or dusro ka nuksaan kar ke ham khud ka bhala nahi kar sakte. To ek hi settings se ap sare hi links ko follow karne se rok sakte hain. Backlink ke bare me vistaar se janiye is post me.
  • Nuksaan - agar is post me aapne, apne blog ki link bhi di hai. To vo bhi nofollow ho jayegi. Isliye ye select karne se pahle dhyan de. Kisi bhi link me nofollow or dofollow kaise lagaye

None:

  • Fayda - ise select karne ka fayda tab hai. Jab ap blog ko personal diary ki tarah use karte ho. Kyunki ise select karne ka matlab hai ki google aapki post me jhank bhi nahi sakta. 
  • Nuksaan - ye option ap select hi tab karte hain. Jab aapko post par full privacy chahiye hoti hai. To nuksan jaisi koi baat hi nahi hai. 

Noarchive:

  • Fayda - search result me apke post ke tags najar nahi aayenge. Sirf wahi keywords najar aayenge. Jo keywords se search kiya gaya ho. 
  • Nuksaan - kai baar hamari post index nahi hoti. Lekin tags ki wajah se bhi log hamari post par aa jate hain. Lekin ye 100 baar me ek baar hota hai. To bas ye chhota sa nuksaan ho sakta hai.

Nosnippet:

  • Fayda - ye select karne ka tab hi ho sakta hai. Jab ap har post me search description sahi tarike se likhte honge. To google apki post ke result me, post ke description ko tukdon me nahi dikhayega. Sirf description dikhayega. Is chij se apko koi khaas fayda nahi hoga.
  • Nuksaan - ye select karne ka kafi nuksaan ho sakta hai. Kyunki kabhi-kabhi log kuchh aise topic search kar lete hain. Jiske upar koi article nahi likha hota. Hamne bhi kai baar aise search kiye hain. Jiska kisi bhi topic se koi lena dena nahi hai. Lekin fir bhi hame result mile the. Us result ka, mere search se koi lena dena nahi tha. Lekin un post ke description me. Mere search keywords the. Jiske karan hame vo results mile the. Agar un posts me "nosnippet" select rahta. To vo results nahi aate. Ye select kar ke, ap bahut sari organic traffic kho sakte hain. Iska demo ap niche video me bhi dekh sakte hain. 

Noodp:

  • Fayda - ye select karne se search result me apki post ki description ko index nahi karega. Or hamari post ko sahi visitors tak pahunchane ke liye. Search description bahut jaruri hai. Agar ap shayari or jokes ki post likhte hain. To ye select karne se fayda ho sakta hai. Or ise select karne se search results me apki post ki description me, aapke post ke kisi bhi words ko show kar sakta hai. Isliye agar ap shayari, jokes or kahaniya likhte ho. To ise select karne ka fayda mil sakta hai. 
  • Nuksaan - ye select karne se apki post, jin logo ke liye likhi gayi hai. Un tak nahi pahunch payegi. Kyunki aapki post ki description index hi nahi hogi. Sirf title padh kar hi visitors ko apki post ke bare me jyada kuchh samajh nahi aata. Hamari post ki ek chhoti si jaankari description me hoti hai. Jise padhkar, visitors ye decide karta hai ki ye post padhna chahiye ya nahi. To ye select kar ke ap bahut badi kar sakte hain. Agar apki post kisi main topic par likhi gayi hai to. 




Notranslate:

  • Fayda - fayda kuchh nahi hai. 
  • Nuksaan - ap dusri bhashaon ke visitors kho sakte hain. Aise visitors jo apki post ki language nahi samajhte. Lekin vo Google translate ki wajah se apki post sakte hain. Ap unko kho denge. 

Noimageindex:

  • Fayda - aise to kuchh nahi. Lekin agar apne koi aisi post likhi hai. Jisme apne ek bhi image nahi rakha ho. To ye option select karna faydemand ho sakta hai. Isase google aapki post me image ko nahi search karega. Balki sirf post ke keywords par dhyan dega. 
  • Nuksaan - image hamare post ke liye kitna jaruri hai ? Ye hamne blog ke liye "SEO friendly image kaise banaye" post me bata diya tha. To agar apne is post me image rakha hai. To ise select karne se aapko bahut nuksaan ho sakta hai. 

Unavailable_after:

  • Fayda - is option se ap ek samay seema tay kar sakte hain ki ye post kat tak index nahi hogi. Ye option tab ke liye achcha hai. Jab ap schedule posting karte ho. Tab ap apne post ko usi din index karwa sakte hain. Jis din ap chahte ho.
  • Nuksaan - is option ko tab hi select kijiye. Jab ap apni post ko kuchh dino baad search engine me lana chahte ho. Warna nahi. 
Ab ap jaan gaye honge ki kounse tag ko use karne se kya fayde hain or kya nuksaan. To ab apni suvidha anusar iska istemal kare. Koi duvidha hone par jarur puchhe.


4 comments:

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊