Friday, July 7, 2017

YouTube video convert karne wali top 6 websites. Aasani se video convert kare.

top_six_youtube_video_converter_websites

Hello friends...
Apne pichhale post me hamne apko YouTube video ko uske link (URL) ke jariye download karna bataya tha. Apne dekha hoga. Hamne video ko ek website se convert kar ke download kiya tha. Par sirf ek wahi website nahi hai. Or bhi kai websites hai. Or ye post un website ki jaankari dene ke liye hai. In sabhi websites ki jaankari dena ham jaruri isliye samjhe. Kyuki sabki jarurat alag-alag hoti hai. Kisi ko sirf video size chhota karna hota hai. To kisi ko kisi ek format me hi video download karna hota hai. Isliye aj ham un sabhi best websites ke bare me vistaar se batayenge.

Top 6 YouTube video converter websites: 

Hamne YouTube video converter ko jab Google me search kiya. Tab ham bahut sare websites me gaye. Usme jo 6 websites hame sabse achchi lagi. Ham apko uski jaankari de rahe hain. 
  • ClipConverter: ko ham sabse achchi website mante hain. Kyunki isme ap video ko MP3 me bhi convert kar sakte hain. Isme ap Video ko MP4, 3GP, MOV, AVI or MKV formats me convert kar sakte hain. Video ko ap 6 sizes me convert kar sakte hain. Kisi bhi dusre website ki tulna me, is website me MP3 song ke size select karne ke sabse jyada option hai. Isme ap 32kbps se 360kbps tak ke MP3 song ko chhota bada kar sakte hain. MP3 ke saath-saath M4A or ACC audio formate me bhi convert kar sakte hain. Isme ap audio tag bhi change kar sakte hain. Khasiyat: Video MP4 or MP3 dono me convert kar sakte hain. Sath hi MP3 tag bhi edit kar sakte hain. Video ya audio ko cut bhi kar sakte hain. Ise samajhna bahut aasaan hai. khamiyan: Sirf YouTube ke video link hi support karta hai. Video link (URL) dalne ke baad. Jab continue karo. To new tab me advertise open ho jati hai. Kabhi-kabhi video convert hone ke baad, download click karne par video ya audio download nahi hota. Uske liye ap download URL ko naye tab me open karenge. Tab download shuru hoga. 
  • OnlineVideoConverter: website bhi ek achchi website hai. Isme bhi ap video or audio dono convert kar sakte hain. Isme ap video ko MP4, M4A MOV, AVI, FLV, MPG or WMV formats me convert kar sakte hain. Video ko ap 6 resolution me convert kar sakte hain. Audio ko bhi ap MP3, ACC, OGG, M4A, WMA, FLAC or WAV format me convert kar sakte hain. Audio ko bhi 64kbps se 360kbps tak size set kar sakte hain. Isme audio or video dono ke resolution ke option hote hain. Apko bas use select karna hota hai. Is website se video kaise convert karna hai. Ye janane ke liye meri ye post padhe.     Khasiyat: isme ap URL or gallery se apne khud ke video or audio bhi convert kar sakte hain. Ye YouTube ke sath-sath dusre website ke URL ko bhi support karta hai. Jab apko URL se convert karna ho. To CONVERT A VIDEO URL/LINK me jaiye. Or jab khud ka koi video convert karna ho. To  CONVERT A VIDEO OR AUDIO FILE me jaiye. Video or audio ko cut bhi kar sakte hain. Khamiyan: isme 3gp video convert nahi kar sakte. Download option click karne se new tab me advertisements open ho jati hai. Tag editor nahi hai. 
  • YOUTUBEINMP4: ye website bhi YouTube video convert karne ke liye ek achchi website hai. Isme bhi audio or video convert kar sakte hain. Isme shuru me apko MP4, MP4 HD, MP3 or more formats ka option milta hai. More formats me jane ke baad video ko MP4, WebM or 3gp formats me convert kar sakte hain. Or isme size resolution ke liye har formats me 2 option select kar sakte hain. Audio me bhi WebM or M4A formats me 2 sizes resolution options hai. Khasiyat: jinhe video format setting karna pasand nahi hai. Unke liye best hai. Sirf ek click par convert ho kar download hone lagta hai. Video ko audio me bhi convert kar sakte hain. Advertisements nahi hai. Khamiyan: kisi dusre website ke link (URL) ko support nahi karta. Jyada formats nahi hai. Audio 50-160 kbps tak hi convert kar sakte hain. Isme tag editor nahi hai. Or video ya audio ko cut bhi nahi kar sakte. 
  • Convert2mp3: bhi kafi easy YouTube video converter website hai. Isme bhi ap audio or video dono convert kar sakte hain. Video ko ap MP4, 3GP, AVI or WMV formats me convert kar sakte hain. Or video resolution 140p se 1080p tak convert kar sakte hain. Audio ko ap MP3, M4A, AAC, FLAC, OGG or WMA formats me convert kar sakte hain. Isme ap audio tag edit bhi kar sakte hain. Khasiyat: audio or video dono convert kar sakte hain. Advertisement ki koi problem nahi. Ise samajhna easy hai. Khamiyan: ye ek German website hai. Isliye iski bhasha apko pareshan kar sakti hai. Isme MP3 resolution ka option nahi hai. Kisi dusre website ka link (URL) support nahi karta. 
  • Telechargerunevideo: bhi ek thik thak website hai. Isme video ke MP4, WMV or 3gp formats hai. Or 7 video size resolution hai. Ap koi bhi select kar sakte hain. Audio me sirf MP3 hi convert karta hai. Khasiyat: sara kaam ek hi tab me ho jata hai. Advertisement ki koi problem nahi. Ye website 4 alag-alag bhashaon ko support karti hai. Khamiyan: Audio convert karne ke liye sirf MP3 format hai. Baki ke formats nahi hai. Dusre website ke link ko support to karta hai. Par video resolution option nahi deta. Matlab agar apne 3gp video link (URL) dala. To apko resolution me sirf MP3 or MP4 ka hi option milega. 
  • SaveFrom: website ek easy to use website hai. Isme video ko MP4, WMV or 3gp me convert kar sakte hain. MP4 ke 4 resolution karne options milte hain. 3gp ke 2 resolution ke options milte hain or WMV ko sirf ek hi size me convert kar sakte hain.       Khasiyat: isme link dal ke submit nahi karna hota. Link dalne hi website apna kaam shuru kar deti hai. Advertisement ki koi problem nahi hai. Video resolution set karte hi downloading hone lagti hai. Ye 10 bhashaon ko support karta hai. Khamiyan: isme audio ko sirf MP4 me convert kar sakte hain. Dusre website ka link support nahi karta. 
Mere khayal se ye 6 websites sabse best websites hai YouTube video convert karne ke liye. So friends agar apko kisi or YouTube video convert karne wali website ke bare me pata ho. To hame jarur bataye. Ham use lekar bhi post karenge. ☺ 

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊