Saturday, July 8, 2017

YouTube video kaise download kare, bina URL change kiye.

YouTube-videos-kaise-download-kare-bina-url-link-change-kiye

Hello friends...
Aj is post me ek bahut hi majedar trick batane jaa rahe hain. Jo ap logo ke bahut kaam aayegi. Shayad hi koi aisa hoga, jo YouTube ke bare naa janta ho. Ya YouTube video kabhi dekha naa ho. Ye sabse badi videos shere website hai. Isme roj karodon log videos dekhte hain or like karte hain. Lekin YouTube ke sath ek problem hai. Isme download ka option nahi hota. Jisse kai logo ko nirasha hoti hai. To aj ham YouTube video ko online convert karke download karna batayenge.

YouTube videos download ka option kyu nahi deta ?

YouTube ek aisi website hai. Jahan ap apne banaye hue videos bhi aasani se upload kar sakte hain. Lekin isme koi privacy Jaisi chij nahi hoti ki ap only friends ya only me set kar ke, video ke miss use se bach jaye. Maan lijiye ki YouTube me video download karne ka option hai. Or apne, apna koi video upload kiya. To ye sari chije ho sakti hai. 
  • Apki video ko koi download kar ke use galat tarike se istemal kar sakta hai. 
  • Apne video editor ke bare me suna hoga. Uska use kar ke, koi bhi apke video ko ashlil rup de sakta hai. 
  • Agar ap singer hai. Or apni aawaz ka ek video apne upload kiya hai. To koi bhi us video ko download kar ke, use apni id se upload kar ke apni aawaz bata kar wah-wahi lut sakte hain. 
  • Apke video ko apna video bata kar apki mehnat kharab kar sakte hain. 
  • Iski wajah se kisi bhi video banane wali company ka apna brand bana pana bahut mushkil ho jata. 
Is tarah ki problem hone par, jahir si baat hai ki ap YouTube ko complaint karte. Or fir YouTube ko, apko javab dena padta. Jo ki YouTube bilkul bhi nahi chahta. Sath hi YouTube copyright se bhi bachana chahta hai. To YouTube ne download ka option naa dena hi behtar samjha. Halanki YouTube ne offline videos ka option diya hai. Lekin usme ek problem hai. Vo ye hai ki offline videos YouTube me hi save hote hain. Apke SD card me nahi. Halanki storage SD card me hi hota hai. Fir bhi ye videos apko video gallery me nahi dikhai denge. Agar ap YouTube app kabhi uninstall kiya, ya phone restore kiya. Ya fir SD card bahar nikala. To sare offline videos remove ho jayenge. Isliye offline videos save karna best option nahi hai. To aaiye ham apko ye trick batate hain. Jisse ap YouTube videos na sirf download kar payenge. Bakli uski resolution (quality) bhi change kar payenge. ☺

Ye bhi padhe - Image editing ke liye. Kya PicsArt hi best app hai ? Janiye ek ek or image editing app ke baare.

YouTube video kaise download kare ?

Sabse pahle to ap YouTube app me jaiye. Ya kisi browser me YouTube open kijiye.  Fir jis video ko download karna chahte hain. Us video ko search karke open kare. 

YouTube-app-video-shere-karne-ka-option

Apko aisa screen dikhega. Ab apko Shere ke option me click karna hai. 

YouTube-app-shere-karne-ka-options

Ab apko Shere ke bahut sare options milenge. Isme ap Copy link par click kare. 

Ab ap Chrome browser ya UC browser open kijiye. Ye dono browser isliye, kyuki isme aasani hogi. Or OnlineVideoConverter website open kijiye. 

Online-video-converter-website

Ab apko aisa page milega.
  1. Yahan apko YouTube link (URL) dalna hai. Wahi link jo apne YouTube Shere se copy kiya. Use yahan paste kar dijiye. 
  2. Yahan ap format select kijiye. Ki apko kis format me video chahiye. .MP4 .MOV etc. 
  3. More settings me click karne se baki ke option aa jayenge. 
  4. Yahan ap video resolution (quality) set karte hain. 
  5. Iski madad se video ka kuchh hissa cut kar sakte hain. Lekin sirf start ya end ka hi cut kar sakte hain. 
  6. Yahan par click karte hi apka video convert hone lagega. 5-15 seconds lag sakte hain. Ye video ke size or network ki speed par depend karta hai. 
YouTube-converted-video-download-page

Jab apka video convert ho jayega. Tab aisa page milega. Ab ap download par click kar ke, video download kar lijiye. Ho gaya apka YouTube video download. 

OnlineVideoConverter website ki kuchh khas bate. 

  • Is website se sirf YouTube hi nahi. Balki kisi bhi website ke URL (link) se video ya song convert kar sakte hain. 
  • Isme ap video ko MP3 (song) me convert kar sakte hain. 
  • Isme kul 7 video format hai. 
  • MP3 ko bhi 7 format me convert kar sakte hain. 
  • MP3 ap 6 resolution me convert kar ke download kar sakte hain. 
  • MP4 bhi 6 resolution me convert kar sakte hain. 
  • Isme bas ap 3gp video convert nahi kar sakte. 
  • Ye website Opera Mini browser or UC Mini browser me bhi achche se kaam karta hai. 
Is website ke jaisi or bhi websites hai. Un sabhi websites ki jankari hamne meri is 'top 6 YouTube video converter websites' post me di hai. Umeed hai ab ap YouTube video aasani se download kar payenge. ☺

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊