Sunday, July 2, 2017

Blogger me post kaise likhe or publish kare ? Post likhane ki A to Z jaankari.

Blog me new post kaise likhe

Hello friends...
Bahut log apni website banana chahte hain. Or website banane ke liye blogger ek achchha vikalp hai. Or blogger me do minat me, new website kaise banaye ? Ye ham apko apne is post "blogger me website kaise banaye" me bata diya hai. Agar apne




ab tak nahi apna blog nahi banaya ? To pahle bana le. Ab ham ye maan lete hain ki apne, apna blog bana liya hai. To ab ap soch rahe honge ki post kaise likhe ? To aj ham is post me yahi batane wale hain ki blogger me post kaise likhe ? Post likhane ki puri jaankari hona bahut jaruri hai. Kyuki post ko sirf likhna nahi hota. Balki post ka SEO bhi usi waqt karna hota hai. Isliye post likhte waqt SEO ko samjhna jaruri hai. Is post me ham aapko, post likhate waqt koun-kounsi setting post ke SEO ke liye jaruri hoti hai ? Ye batayenge.☺

Blogger me phone se favicon kaise change kare ? Trick 2.
Blogger me phone se template kaise upload kare ? Trick 2.

Blogger me blog post kaise likhe ?

To ab vistaar se batate hain ki post kaise likhate hain.




Blog new post option click

Jab ap blogger me login kar ke, apni website par jate honge. Tab aapko aisa desktop dikhayi deta hoga. Blog post likhane ke liye. Aapko New Post par click karna hoga. 

Blog new post body full body description

Ab aapko aisa page milega. Yahin aapko post likhana hai.




  1. Yahan apko apne post ka title likhana hai. Yahan par ap jo title likhenge. Wahi title google search result me dikhega. Isliye title soch samjhkar likhe. 
  2. Ise post body kahte hain. Yahan par aapko post likhani hai.
  3. Post compose mode par hi likhana chahiye. Kyuki isase post editor text mode par hi hota hai. 
  4. HTML me click kar ke ap post me jo coding karna chahte hain. Vo kar sakte hain. 
  5. Undo option kisi word ya sentence ko ek click me hatane ke liye hai. Kabhi-kabhi ham kuchh likhate hain. Or hame lagta hai ki hamne galti kar di hai. To use mitane ke jagah ye option use kijiye. 
  6. Redo option tab available hota hai. Jab ap Undo option use karte hain. Redo, Undo ka ulta kaam karta hai. Yaani jis sentence ya word ko apne Undo use kar ke hataya hai. Use ap Redo use karke wapas laa sakte hain.
  7. Font style select karke ap apne word ko stylish bana sakte hain. 
  8. Font size se ap word ke size set kar sakte hain.
  9. Format option se aap heading, subheading, minor heading or normal setting kar sakte hain. Agar ap post me alag se heading dena chahte hain. To ye feature use kare. 
  10. B yani Bold se ap kisi bhi word ko mota (bold) kar sakte hain. 
  11. I yani Italic se ap kisi bhi word ko tedha kar sakte hain.
  12.  U yani Underline se ap kisi bhi word ke niche line laga sakte hain.
  13. ABC yani Strikethrough se ap kisi bhi word ke bich me line laga sakte hain. 
  14. Text Color ke istemaal se ap kisi bhi word ko color de sakte hain. 
  15. Text background color ke istemaal se ap kisi bhi word ke pichhe color laga sakte hain. 
  16. Add/Remove Link se ap kisi bhi website ya apni post ka link add kar sakte hain. Ye apke blog ke traffic ke liye bahut jaruri hai. Padhe Link kaise add kare.
  17. Insert Image ka istemaal kar ke ap apni post me image add kar sakte hain. Padhe new image kaise upload kareImage ko full SEO friendly kaise banaye ?
  18. Insert Video ka istemaal se ap post me video add kar sakte hain. 
  19. Insert Emotions ka istemaal kar ke ap post me kisi bhi tarah ka Emoticon, Symbol, Arrows or Number add kar sakte hain. 
  20. Insert Jumo Break option ka use bahut jaruri hai. Kyuki blog me hamlog new template upload karte hain. Jisme "read more" ka option automatic hota hai. Lekin feed burner me apke sare post pure ke pure dikhai dete hain. Usme "read more" ka option nahi hota. To ye jump break use karne se feed burner me bhi "read more" ka option aa jata hai. 
  21. Alignment se ap post arrange kar sakte hain. Iska use song lyrics ya shayari likhane me kar sakte hain. 
  22. Numbered list ka istemaal aap kisi baat ko step by step samjhane ke liye use kar sakte hain. 
  23. Bullet dots bhi list ki tarah hote hain. Bas isme dost aate hain. Or ye post ke SEO ke liye bhi jaruri hai. 
  24. Quotes ka istemaal aap wahan kar sakte hain. Jahan ap kisi baat pe khas roshni dalna chahte ho. Us baat ko aap iske help se special attention de sakte hain. 
  25. Remove Formatting se apne post me jo editing ki hai. Jaise bold, italic, heading, color ya kuch bhi. Usko ek baar me hi remove kar sakte hain. Apko jis word format ko remove karna hai. Usko select kijiye. Or is par click kar dijiye. Sab remove ho jayega. 
  26. Check Spelling se ap wrong spelling check kar sakte hain. Is par click karte hi sare wrong words highlight ho jaayenge. 
  27. अ (Transliterate Words Typed Phonetically in English Script) se ap jo bhasha chunenge. Us bhasha me post likh payenge. Jaise agar apne Hindi bhasha chuni hai. To jab Hindi type karenge. To post me automatic हिंदी me type ho jayega. 
  28. Left ye feature select kar ke, ap post baayi or se daahini or likh sakte hain. Jaise Hindi, English.
  29. Right ye feature us bhasha ko likhane ke liye istemaal ki jaati hai. Jisme ham daahine or se baayi or likhate hain. Jaise Urdu.
  30. Label option post ki setting ke liye hoti hai. Label yaani category. Ap ye post jis category me set karenge. Ye post us category me dikhai degi. Isse visitors ko post dhundhane aasani hoti hai. Padhe category kaise banaye.
  31. Schedule me ap apne post ko publish karne ka time set kar sakte hain. Ap yahaan jo bhi time set karenge. Us time par post apne aap publish ho jaayegi. 
  32. Permalink se ap ap apni post ka costume link set kar sakte hain. Ye setting apke post ke SEO ke liye bahut jaruri hai. 
  33. Location se ap apni location set kar sakte hain. Isase apki post kahan par likhi gayi hai ? Vo location set ho jaayegi. Waise ye set karna itna jaruri nahi hai. Apki marji par depend karta hai ki ap post ka location set karna chahte hain ki nahi. 
  34. Search description se ap apni post ka ek chhota sa description likh sakta hain. Ye option bhi pahle se enable nahi rahata. Ise enable karna hota hai. Or ye setting apke post ke SEO ke liye bahut jaruri hoti hai. Padhe Search description box kaise enable kare
  35. Options se ap post ke kuchh alag se setting kar sakte hain. Jaise post par comment chahte hain yaa nahi ? Ap set kar sakte hain. 
  36. Custom Robots Tags setting pahle se enable nahi hota. Ise enable karna hota hai. Ye blogger ka ek advance SEO feature hai. Ise enable kaise kare, or kaise use kare. Iski puri jaankari hamne is post me de di hai. Ap ise jarur padhiye. 
  37. Close ke option par click kar ke, aap ye post band kar sakte hain. Lekin kisi bhi post ko save karne ke baad hi close kare. Aise me apki post safe rahegi. Or ap dobara se post par kaam kar paayenge. 
  38. Preview se ap apni post ko user mode me dekh sakte hain. Kisi bhi post ko publish karne se pahle ek baar uska preview jarur dekhna chahiye. Isase hame hamari post ki kamiya najar aa jati hain.  
  39. Save par click karte hi apke post par apne ab tak jo bhi edit kiya hai. Vo sab save ho jayega. 
  40. Publish par click karte hi apki post publish ho jaayegi. Lekin post publish karne se pahle save jarur kar le. Fir post publish kare. 
To is tarah se ap post likh sakte hain. Or ab apko post se judi kuchh important tips dete hain. 
  • Kisi bhi post ki sabse important chij hoti hai uska title. Title strong rakhe. Or title se pata chal jana chahiye ki ye post kis visay par likhi gayi hai ? Or title me apke blog ka main keyword ho. To post ke google search result me, pahle page par aane ke chances badh jate hain. 
  • Post me ek baar heading, subheading ya minor heading jarur de. Google aise post ko pasand karta hai. Jahaan par chijo ko ek alag tarah se samjhaya jata hai. Or post ke bich me heading dene ka matlab ki ap us post par, kisi or topic par bhi chhoti si jaankari de rahe hain. To jis post par jyada information ho. Us post ko google or visitors dono hi pasand karte hain. To ye post ke google search me aane ke chances ko badha deta hai.
  • Apne post se judi kisi khas word ko highlight jarur kare. Highlight karne ke liye. Font decoration, font style, font size or font color ka use kar sakte hain. 
  • Har blog post ke bich me, apne blog ka kam se kam do link jarur jode. Or agar vo link apke post se sambhandhit dusre post ka ho. To ye apke blog ke traffic badhaane me bahut madadgar sabit hogi. 
  • Har post me kam se kam ek image jarur jode. Kyuki image blog me 1000 sabdo ke baraabar hota hai. Image post se judi honi chahiye or khud ki create ki hui honi chahiye. Kahin or se li gayi image, copyright ho sakta hai. 
  • Post me number list jarur istemaal kare. Jab kisi baat ko step by step samjhana ho to. 
  • Bullet dots ka use bhi kare. Jab kisi baat ko aap baarik binduyo se samjhana chahate ho to. 
  • Post usi bhasha me likhe. Jisme apko achchhi pakad ho. 
  • Post me label jarur add kare. Kyuki label ki madad se hi category banti hai. Or related post me hi label wale post dikhai dete hain. 
  • Permalink ko jarur istemaal kare. Isme costume link use karke, apne post ka link khud banaye. Or link me post ke strong keywords jarur rakhe. Ye post ko google search me jyada dikhane me madad karti hai. 
  • Post ka search description jarur likhe. Or bahut hi soch samjhkar likhe. Kyuki yahaan par aap jo likhenge. Vo google search result me title ke niche dikhai deti hai. Jise padhkar hi visitor ye decide karta hai ki use aapke blog me aana hai ki nahi. To ye bahut jaruri hai. 
  • Ek baar apne blog ka preview jarur dekh le. Or puri post dhyan se padhe. Or apko jo kamiyaan lag rahi ho. Use thik kar le. 
Hamne apko post likhna or kya-kya jaruri baate jo dhyan rakhani chahiye post likhate waqt. Ye sab bata diya hai. Ummid hai ki apko post pasand aai hogi. ☺


No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊