Sunday, February 5, 2017

Wapka site Header-Footer ko use kar ke, kisi bhi setting ko har page me automatic show kare.


Hello friends...
Wapka se jude is post me aj ham apko, wapka ke har files, page, koi bhi code ko wapka par bane har page me automatic kaise show kare ? Ye batayenge. Shortcut me kahe apko is post me Top items (header) or Bottom items (footer) ki puri jaankaari milegi. Puri post dhyan se padhe.

Wapka se free site kaise create kare ?
Wapka site banane ke baad, pahle ye 2 kaam kare.

Header or Footer kise kahte hain ?

Ap kisi bhi website par jate honge. To har page me apko kuchh chije ek jaisi dikhati hongi. Jaise website ka Header (top) or Footer (bottom) apko har page me ek jaise hi dikhai dete honge. Apko lagta hoga ki ye design har page par alag-alag ki gayi hai. Lekin aisa nahi hai. Iske liye bhi do page par setting karni hoti hai. Jise header or footer items kahte hain. Wapka me bhi header or footer ka option rahta hai.

Wapka Top items (header) kya hai ?

Wapka Top items (header) hi vo feature hai. Iski help se ham wapka ke har page par, code, image ya page ko automatic show karwa sakte hain. Asal me header, yaani Site ID: -1 ek page hota hai. Jo wapka ke taraf se default diya hua hota hai. Jise Top items (header) naam diya gaya hai. Header naam isliye. Kyuki is page me ap jo files, code, image, ya page set karenge. Vo apke banaye har page me apne ap show honge. Chahe ap isme kuchh bhi set kare. Header ek blank page hi hota hai. Jisme hame kuchh setting karni hoti hai. Or is page par hi ham jo bhi set karte hain. Wahi setting, apke wapka site ke har page ke top me automatic show hoti hai. Or ye page bahut soch samajh kar design karna hota hai. Kyuki ye apki website ke design ke liye bahut badi bhumika nibhata hai. 

Wapka Bottom items (footer) kya hai ?

Jis tarah har website ka upari bhaag (top) ek jaisa dikhata hai. Usi tarah har website ka nichali bhaag (bottom) bhi ek jaisa hota hai. Nichale bhaag ko design karne ke liye footer page hota hai. Wapka me footer, yaani Site ID: -2 ek page hota hai. Jise Bottom items (footer) kahte hain. Footer me ap jo bhi setting karenge. Vo apke har page ke sabse niche dikhaiyi denge. To ap jis chij ko page ke sabse niche show karana chahte hain. Use Bottom items (footer) me set kare.

Wapka me new page kaise create kare or kyu create kare ?
Wapka page ka advanced SEO kaise kare ?

Wapka Header-Footer kaise set kare ?

Ab ap samajh gaye honge ki Header or Footer kya hai ? To ab apko batate hain ki wapka ka Header or Footer page apko kahan milega?
  • Wapka site login kijiye.
  • Apni site select kijiye.
  • Admin mode me jaiye.
  • :: EDIT SITE (#) :: me jaiye.

Ab apko Add autocontent me jana hai. 


Ab apko ye page milega. 
  • Top items (header) me jaa kar, ap jin chijo ko har page ke upar show karana chahate hain. Un chijo ko set kijiye. Or set kaise karna hai ? Bahut hi simple. Jaise har page me set karte hain. Apko is page me bhi :: EDIT SITE (#) :: ka option milega. Usme jaa kar jo set karna hai, kijiye. 
  • Bottom items (footer) me jaa kar, ap har page ke bottom me jo show karana chahate hain. Use set kijiye. Ye bhi ek blank page hai. Isme bhi apko :: EDIT SITE (#) :: ka option milega. Isme jaa kar jo bhi setting karni hai. Vo kar lijiye. 
Ap jump page use kar ke bhi direct header ya footer me jaa sakte hain. Bas header me jaane ke liye -1 type kar ke jump kijiye. Or footer me jaane ke liye -2 tpye karke jump kijiye. 

Wapka footer design kaise kare ? 

Ab ap samajh hi gaye honge ki kisi bhi code, image ya page ko har page par automatic show kaise karte hain ? Koi bhi confusion hone par comment kare. 


No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊