Thursday, January 19, 2017

Wapka page ka advance SEO kaise kare ? Page title, URL or page description kaise set kare ?


Hello friends...
Wapka se jude is post me. aj ap jaanenge ki wapka me title change ka, kya istemal hota hai ? Or isase wapka page ka SEO kaise hota hai ? Wapka page ka URL kaise set kare or page ka description kaise set kare ? Ye sab kuchh ap isi post me jaan jayenge. Hame umeed hai ki apne pages bana liye honge. Agar nahi banaya. To ye post "wapka par new page kaise banaye" padhe. Puri post dhyan se padhe.

Wapka change title kya hai or isase SEO kaise hota hai ? 

Wapka par, apko ek option milta hoga. Change title ka. Ap sochate honge ki ye kya hai ? To ye janane ke liye, ye image dekhiye. 


Ye image hamne google search ke result se liya hai. 
  • Sabse pahle apko title najar aata hai. Ye wahi title hote hain. Jinhe dekh kar ham search result par click karte hain. Ye title khud nahi aata. Ise set karna hota hai. 
  • Dusre me apko green colour me website name or file name fir URL show hoga. Ise bhi set karna hota hai.
  • Tisre me apko description dikhai deta hai. Ise hi tag kahte hain. Ham jo wapka page par, tag code lagate hain. Vo yahi dikhai deta hai. 
Ye tino hi chije apke wapka pages par khud nahi hogi. Ye teeno hi chije apko set karni hoti hai. Jab Google par apki website dikhai degi. To apka set kiya hua title or URL hi show hoga. Or agar apne set nahi kiya. To title me wapka.mobi hi show hoga. Or url me apka wapka ke taraf se diya hua default url show hoga. Or description me bhi wapka ki hi description dikhai degi. Jisase apki website ki, google search ranking kabhi achchi nahi hogi. Ham jo title URL or description me likhate hain. Google robot text usi keyword ko hamare website me dekhta hai. Tabhi hamari website search result me aati hai. Jaise :- agar kisi ne bhi google me ye search kiya "kya internet par, hindi me seekh sakte hain" to use result me. HindiMeSeekhe website jarur dikhegi. Kyu ? Kyuki meri website ka main keywords Hindi Me Seekhe hain. Or search me hindi me seekh text hai. Isliye meri website google robot text jarur result me show karegi.

Ye bhi padhe:- wapka page par, content manager files ko kaise show kare ?
Wapka new users ka welcome kaise kare ?

Page ka title kaise change kare or URL kaise set kare ?

  • Sabse pahle wapka login kijiye.
  • Fir website select kijiye.
  • Fir Admin mode me jaiye.
  • Fir page select kare. 


  1. Ap Change title select kare. 
  2. Fir Add par click kijiye. 
Ye option wapka site me pahle se nahi hota. Hame ise enable karna hota hai. Ye option kaise enable kare ? Ye janane ke liye ye post padhiye. 


Ab apko aisa page milega. 
  1. Yahan apko page title (Ap jo bhi title likhenge. Usase apke page ka title change hoga. Jis naam se page banaya hai. Vo change nahi hoga) likhiye. Yahi title name google search result me show hoga. Title ap apne hisab se rakh le. 
  2. Yahan par ham page ka URL set karte hain. Yahan par apko page ke content files ke main keywords likhane hai. Jaisa ki image me hamne likha hai. Thik waisa hi apko likhana hai. Ek baat yaad rakhe. URL me kabhi bhi koi word ko big alphabet me naa likhe. Or kisi bhi words ke bich space naa ho. Isliye under dash ya dash dale. Jsise :- hindi_me_seekhe ya hindi-me-seekhe likhe. Ye bahut jyada lamba nahi hona chahiye. Only main keywords. Agar URL jyada lamba likha. To URL set nahi hoga. 
  3. Ab dono hi chije set karne ke baad Edit title par click kar dijiye. 
Edit title par click karte hi. Ap home page par pahuch jayenge. Iska matlab apne URL jyada lamba likh diya hai. Ap us page URL dekh lijiye. Agar URL thik se set nahi hua. To fir se set kijiye. Title ke baare me ek or baat bata de Ki wapka website ko full SEO karne ke liye. 4 jagah title, do jagah URL or description (tag) set karna hota hai. 

  • Title 4 jagah par set karte hain. 
  1. Title to sabse pahle jab ham content upload karte hain. Tab title name likhana hota hai. 
  2. Dusra page ke Change title me jaa ke set karna hota hai. Jiske bare me hamne abhi bataya. 
  3. Tisra WML/XHTML code me jaa kar, code se set karte hain. Or tino hi jagah title sem ho. To bahut jyada achcha hoga. 
  4. Ye bhi WML/XHTML code me jaa ke set set hain. Par ek code se title najar aata hai. Or dusre code se sirf title change hota hai. Jo page par najar nahi aata. Ye code tab use karte hain. Jab ap Change title me jaa kar title nahi change karte. Is post me change title or title code le.
  • URL bhi 2 jagah set hota hai. 
  1. Pahla jab ham file upload karte hain. Tab file name likhane ka option aata hain. Wahan bhi ham sem isi tarike se files name likhate hain. Yahi file name, file ke URL me najar aata hai. Or yahan ham apne website ka naam bhi likh sakte hain. Taki file ke URL me hamare website ka naam dikhe. Isase hamare content par copyright ban jata hai. 
  2. Dusra change title me jaa ke. Jiske baare me hamne abhi hi upar bata diya hai. 
  • Description (tag) bhi do jagah set karni hoti hai. 
  1. Pahla file upload karte waqt jo description likhane ka option aata hai. Wahan par. 
  2. Dusra WML/XHTML code me jaa kar, code dal kar set karte hain. 

Page description kaise set kare ? 

  • Sabse pahle wapka login kijiye.
  • Fir website select kijiye.
  • Fir Admin mode me jaiye.
  • Fir page select kare. Jisme description set karna ho. 
  • Fir :: EDIT SITE (#) :: me jaiye.
  • Fir WML/XHTML code me jaye. 



Is code me div class or div style code bhi set kar sakte hain. In dono ke baare me hamne apni is post "div class or div style code me kya fark hai" me bata diya hai.
  1. Yahan code dale. Code me apni description likh de. 
  2. Ise aisa hi chhod dijiye. 
  3. Left, center or right select kijiye.
  4. Ise aisa hi chhod dijiye. Is feature ki puri jaankari ke liye. Ye post padhe
  5. Yahan place select kijiye. 
  6. Yahan ap class set kar sakte hain. Ye option classes set karne ke baad aata hai. Puri jaankari ke liye. Ye post padhe
  7. Agar ye page all users ke liye hai? To all users select kare. 
  8. Ab Submit kar dijiye. 

Apke page ka advance SEO ho chuka hai. Kuchh or tips ham lekar aayenge. SEO ke bare me. Kuchh paresani hone par puchhe. ☺


10 comments:

  1. Thank you for your great interest to share this information about how to set page title, URL, and description. I like to read this information.

    ReplyDelete
  2. Blog ke header me hi FB page ka link connect hai. Ap us par click kare. Or hamse sidha sampark kare.

    ReplyDelete
  3. Sir mera wapka site me apne aap text me niche underline dikh raha hai . Sir underline ko htane ke liye kya karenge.mera site url djchitranjan.tk or djchitranjanmix.wapka.me hai. Sir please help kijiye

    ReplyDelete
  4. Underline tin tarah se lagta hai. Ek to Wapka ke taraf se jo default design settings hota hai. Dusra har page ya text create karte waqt, usi waqt underline set karne ka option milta hai. Tiara code ke jariye ham underline lagate hain.
    Jahan tak hame lagta hai. Apki site me jo head code lagaya hai apne. Usne Wapka ke default set underline ko nahi hataya hai. To ap koi aisa CSS code ya fir head code lagaiye. Jo underline ko hide kar de.

    ReplyDelete

  5. change tittle
    tittle- dj manish mixer kasnagar
    url- DJ_manish_mixer
    page not found 404 bata raha hai q

    ReplyDelete
  6. Aisa network problem ki wajah se ho raha hai. Jab aisa bata raha ho. Tab ap back jaakar, wapas title change option me aaiye. Agar wahan title or url likha hua hai. To title or URL set ho chuka hai. Ap tension mat kijiye.

    ReplyDelete

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊