Friday, December 2, 2016

Wapka website kaise design kare. Trick one.

wapka-website-ko-design-kaise-kare-trick-one

Hello friends...
Is post par ham wapka site design kaise kare ? Iske bare me baat karenge. Wapka site ko design karne ki pahli trick is post se ap seekh payenge. ☺

Wapka design kaise kare ?

Mere kai viewers hain. Jo wapka site design karne ke bare me a-z full jaankari chahte hain. Lekin ek post par a-z jaankari de pana mumkin nahi. Isliye ek-ek kar ke ham wapka site design karne ki puri jaankari denge. Apne wapka site bana li hogi. Or ab ap ise design karne ki soch rahe honge. Lekin ap samajh nahi paa rahe honge ki wapka site design kaise kare ? Kyuki jyadatar wapka editor sochate hain ki wapka site design karne ke liye CSS code or div class or div style code ki jarurat hoti hai. Jabki aisa bilkul nahi hai. Ham bina code ke bhi wapka site design kar sakte hain. Jiski pahli trick aj ham apko bata rahe hain. Ap dhyan se samjhane ki kosis kare. ☺



Wapka website default design:

Wapka-website-default-design

Is image me dekhiye. Background color white hai. Link color blue hai or text color dark violet pink jaisa hai. Ise hamne set kiya hai. Wapka site Design karne ki kadi me, sabse pahle yahi set kiya jata hai. Background, text or link color set karte hain. Sabse pahle ap ye set kare.

Wapka site design kaise kare ?

Iske liye ap wapka site login kare. Fir site select kare. Jo site design karni ho. Fir Admin mode par jaye. Uske baad :: EDIT SITE (#) :: par click kare.

Wapka-website-wap2-option

Ab ap - WAP2(9) me jaiye. Ye pura page hi wapka site design karne ke liye banaya gaya hai.

Wapka-website-global-settings

Ab apko aisa page milega. yahan par jitne bhi option ap dekh rahe hain. vo sab bas design karne ke liye hi hai. in sabki jaankari ham apko baad me denge. Ab ap Global settings me jaiye.

Wapka-website-change-default-design-background-text-link




Ab ap aise page me aayenge. Iski puri jaankari ham apko batate hain.
  1. Yahan ap background color daliye. Jo apko pasand ho. 
  2. Use picture as background. Ye option background me image lagane ke liye hain. Ye ek kamal ka feature hai wapka site ka. Background me koi color ke jagah image bhi laga sakte hain. Image lagane ki jaankari niche di gayi hain. 
  3. Yahan apko text color code dalna hai. Jis color me ap text ko dekhna chahte hain.
  4. Yahan ap link color code daliye. To apke site me jitne bhi link honge. Vo isi color me dikhenge. 
  5. Ise koi bhi select kar lijiye. Koi fark nahi. Hamne alag-alag set karke dekha. Koi fark malum nahi pada. Isliye jo hai. Rahne dijiye. 
  6. Ab edit par click kar dijiye. To jo apne color set kiye hain. Apki site waisi ho jayegi. 
  7. Yahan par apko wapka ke taraf se di hui bahut sare color code mil jayenge. Lekin ap yahan color code ke jagah, color name bhi likh sakte hain. Jaise, blue, red, green ya koi bhi color jo ap rakhna chahe. ya fir ap Google se bhi color code search kar sakte hain. 
To ye ho gayi apki wapka site ki global setting. Ab ham apko background me image set karna batate hain. 

Background me image kaise lagaye ?

Uske liye ap background color code rakhane ke jagah, Use picture as background par click kare. 

Wapka-website-design-add-background-image

Fir ap aise page me pahuch jayenge. Yahan hamne pahle se hi image upload kar rakhi hai. Image upload karne ki bhi puri jaankari ham apko baad me denge. Abhi ke liye. Ap ye samjh lijiye. Ap jis bhi image ko background me lagana chahte hain. Uske A par click kare. 

Wapka-website-design-edit-background-image
  1. Ye dekhiye background me image lag chuka hai. 
  2. Ab text color code daliye ya direct color name likhiye.
  3. Yahan link color daliye. 
  4. Ab Edit par click kar dijiye. 
Wapka-website-design-set-background-image

Ye dekhiye background me image lag chuka hai. ☺




Color select karne ke liye kuchh simple tips. 

  • Sabse pahle hame background color select karna chahiye. Background ka jo hissa hota hai. Vo sabse jyada bada hissa hota hai. Isliye yahan koi bhi aisa color mat daliye. Jo aankho ko chubhe. 
  • Background color hamesa simple rakhe. Ya koi aisa color, jo aankho ko achchi lagti ho. Background color agar chubhane wali hongi. To visitors website me bilkul bhi nahi tikenge. 
  • Text color kabhi bhi, background se milta-julta nahi hona chahiye. agar aisa hua. To to apke text visitors ko saaf-saaf nahi dikhenge. 
  • Text color hamesa background color ke opposite hona chahiye. Jaise background white hai. To text black hona chahiye. Ya fir koi bhi dark color. Ye apki creativity par nirbhar karta hai ki ap kitne creative hain.
  • Ab sabse muslik kaam hai link color select karna. Kyuki link color aisa hona chahiye. Jo ek baar dekhane me hi pata lag jaye ki ye link hai. 
  • Jahan tak mera experience hai. Link color hamesa deep color me hote hain ya light color me. 
  • Link color, background color se dark or text color se halka rakhe. To visitors ko aasani se link samjh aa jayegi. 
  • Agar ap background me image lagate hain. To sabse pahle image copyright kiya hua use naa kare. Ap kisi image website se image kharid le yaa bana le. 
  • Image bhi agar abstract ho. Or jyada rang-birangi naa ho. To jyada behtar hai.
  • Image hamesa wahi select kare. Jisme kam se kam teen color thik se najar aaye. 
  • Agar background image hai. To to text color or link color aisa select kare. Jo image me aasani se dikhai de.
To ab apne seekh liya hoga ki ap apni wapka website ki global design kaise kar sakte hain. 

12 comments:

  1. Hello miss I want to say that. how to upload a movie on wapak site. please help me.

    ReplyDelete
    Replies
    1. Movie upload nahi kar sakte
      Because wapka sirf 100mb ki file ko hi support karta hai

      Delete
    2. Upload nahi kar sakte. Par download link rakh sakte hain.

      Delete
  2. Film upload karne ke liye ap link bookmark ka istemaal kar sakte hain. ��

    ReplyDelete
  3. google comment bow kaise la aunge

    ReplyDelete
    Replies
    1. Wapka me comment box lagane ka option hai. Ap use laga sakte hain. Or agar vo comment nahi lagana. To forum bana sakte hain. Taki apke visitors comment kar sake.

      Delete
  4. Sir mera site open karne par certificate expired bata raha
    hai Help me

    ReplyDelete
    Replies
    1. AJ kal ye problem sabke sath hai. Fir bhi ap opera mini browser me open kar ke dekhiye. Shayad thik ho jaye.

      Delete
  5. mam wapka download page design nahi ho raha hai

    ReplyDelete
    Replies
    1. Kuchh din wait kariye. Ham video upload karenge download page design karne ke liye.

      Delete
  6. Mujhe Design Karna Samjh Me Ni Aa rha Hai plz Help Me

    ReplyDelete
    Replies
    1. Aapko confusion kis baat ka hai. Hamne to full information di hai. Ap apni pasand ke hisab se design kijiye. Par is post me batayi gayi design basic hai. Ise karna jaruri hai.

      Delete

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊