Wednesday, December 7, 2016

Wapka site me classes settings kya hai ? Wapka site design trick 2.


Hello friends...
Is post me ham apko wapka site design karne ke dusri trick batayenge. Wapka site me classes settings ka, istemal karke ham kaise wapas site design kar sakte hain ? Ye ap is post me janenge.

Wapka site  ko design karne ke liye. Apko koi jaruri nahi ki ap CSS code ya anya kisi bhi code ka istemal kare. Kyuki ham bina code ke bhi wapka site design kar sakte hain. hamne apko CSS code se wapka site design kaise karte hain ? Ye achchi tarah bata diya. Or bina code ke bhi wapka site design karne ki First trick bata chuke hain. Jo ki bahut aasan hai. Or wapka site design karne ki dusri trick me ham apko classes set karna batayenge. hamne apko pahle bhi Div class or div style code se design karne ke baare me bataya hai. Or aj ham bhi class ke bare me hi batane wale hain. bas div class or class me fark itna hai. Ki 'div class' or 'div style class' ke code hote hain. Jo apko alag-alag website par mil jayenge. Lekin koi jaruri nahi ki apko, apni pasan ka div class mil jaye. Lekin class ap khud design kar sakte hain. Or bhi fayde hain class settings ke.

  • Ap apne classes ko, global settings ke hisab se bana sakte hain
  • Class ke text, background or link color, sab apki pasand ka hota hai.
  • Apko codes yaad rakhne ki jarurat nahi padti. 
  • Ap class ko direct hi page, text ya kisi bhi code ke sath set kar sakte hain. 
  • Apni pasand se site design karne ke liye. Ap aajad rahte hain. 
To ye ho gayi fayde ki baat. Or nuksan kuchh bhi nahi. to ab batate hain classes kaise set karte hain?

Wapka site ke liye domain kaise register kare ?
Wapka site bana lene ke baad pahle ye do kaam Kare.

Classes kaise set karte hain ?

Sabse pahle ap wapka site login kijiye. fir admin mode or fir :: EDIT SITE (#) :: me jaiye. 


Ab ap - WAP2 me jaiye. 


Ab ap Classes settings me click kare. 


Ab apko aisa page milega. Pahle box me koi bhi naam likhiye. Bina space ke. Basic settings ko select kare. Fir continue par click kare. 


Is image ko dekhiye. Ye image hamne khas ap logo ko sari baate samjhane ke liye edit ki hai. Ab ham apko ek-ek kar ke batate hain.

1. Text:

  • Background colour code me apko vo colour dalna hai. Jo jis color me ap class banana chahte hain. 
  • Text colour code me ap jo colour dalenge. Apko text usi colour me dikhai denge. 
  • Link colour code me ap jo bhi colour dalenge. Sare link usi colour me dikhai denge. 

2. Border:

Ab baari border setting ki. Agar ap class me border bhi lagana chahte hain. To yahan se border style select kar lijiye.
  1. None ka matlab apne border set nahi kiya. Agar border nahi chahiye to none select kare.
  2. Whole select karne se apka border charo taraf lagega. 
  3. Top+Bottom select karne se, border sirf upar or niche lagega. 
  4. Top select karne se border sirf upar lagega. Niche nahi. 
  5. Bottom select karne se border sirf niche lagega. Upar nahi. 
  6. Left select karne se border sirf left me lagega. Right me nahi. 
  7. Right select karne se border sirf right me lagega. Left me nahi. 
  8. Left+Right select karne se border left or right dono side lagega. 
  • Width me ap border ki choudai select kar sakte hain. 
  • Colour code me apko border konse colour me chahiye. Vo set karna hai. 
  • Style me apko border kis style me chahiye ? Ye select kar sakte hain. 

Is image me hamne, konsa border, kaisa dikhega ? Ye bata diya hai. Ap dekh lijiye. ☺ 

3. Margin:

Yahan ap class ke bahar ka space set kar sakte hain. 

4. Padding:

Yahan ap class ke andar me text ke top, bottom, left or right me kitna space chahiye? Ye set kar sakte hain. 


Ye image dekhiye. Is image me hamne margin top or bottom ka 25×25 rakha tha. Or left or right ka 50×50 px set kiya tha. Or padding me hamne top, bottom, left or right, sabme 50×50 hi diya. To ab sp margin or padding ka matlab samjh gaye honge. ☺

5. Font-Weight:

Yahan apko do options milenge. Bold or Normal.
  • Bold select karne se, is class ke andar ap jo bhi text ya page ya code lagayenge. Vo sare bold text me najar aayenge.
  • Normal me sab normal hi najar aayega.

6. Font-Style:

Yahan bhi apko do options milenge. Normal or Italic.
  • Normal me to text normal hi najar aayenge. 
  • Lekin Italic aisa najar aayega. 

7. Font-size: 

Yahan apko tin options milenge.

  • Small select karne se sare text small najar aayenge. 
  • Normal select karne se sare text normal najar aayenge. 
  • Large select karne se sare text large, yani bade size me najar aayenge. 

8. Text-Decoration:

Yahan bhi apko bahut sare options milenge. 
  • None use karne se apke sare text upar select kiye gaye. Font-Weight or Font-Style ke hisab se najar aayega.
  • Underline select karne se apke sare text ke niche line ban jayegi. 
  • Overline select karne se apko sare text ke upar ek line ban jayegi. 
  • Underline overline select karne se apko sare text ke upar or niche line ban jayegi.
  • Line-through select karne se apko sare text ke bich me line ban jayegi.
  • Blink select karne se sare text normal dikhai denge. 

9. Preview:

Yahan se apko pata chal jayega. Ki apne class design kiya hai. Vo kaisa dikh raha hai? Ek baar preview jarur kar lena chahiye. 

10. Add Class:

Is option se apka class ban jayega. Or -WAP(2) ke niche apko sare class dikhai dengi. 


Ye dekhiye. yahan par apne jo bhi page text ya koi bhi design ya content lagaya hoga. Vo sab yahan show haga. apko jo bhi link text ya code class me set karna hai. Use select kijiye. 
  1. Yahan class select kijiye.
  2. Yahan set kar dijiye. 
Fir vo text, link ya code us Class me set ho jayega. jab ap koi text, link ya code lagayenge. To niche apko classes setting ka bhi option milega. Ap wahan se bhi direct class set kar sakte hain. 

11. Colour codes list:

Yahan apko sare colour code mil jayenge. Lekin agar apko pasand ke colour nahi bhi mile. To bhi ap Google me wapka colour code likh kar search karenge. To apko bahut sare website mil jayegi. Jo colour code deti hai. ☺

Hame umeed hai ki apko classes set karna aa gaya hoga. Agar naa bhi aaya ho. To bhi koi problem nahi hai. Ap hamse puchh lijiye comment par. ☺ 



No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊