Tuesday, November 8, 2016

Dropbox app apke sabhi files ka ek super backup.


Hello friends...
Aj ham ap logo ke liye. Ek bahut hi jaruri information laye hain. Is post me ham apko, ek bahut hi useful app Dropbox ki jaankari denge. Is app me ap sare files. Jaise, Songs, Videos, Images, Apps or Text files tak save rakh sakte hain. Jo jeevan bhar safe rahengi. Matlab ye app ek super backup hai. To chaliye is ke bare me vistaar se jante hain.

Dropbox app useful kyu hai?

Dropbox app me ap har tarah ki files rakh sakte hain. Jaise, songs, videos, images, apps, texts files, templates sab kuchh upload kar ke. Hamesa ke liye surakshit rakh sakte hain. Ye sari hi chije ap memory card me bhi rakhate hain. Lekin memory card me ek limit hoti hai. Or sath hi memory card kabhi bhi corrupt ho sakta hai. Blogger ke liye to ye app bahut hi useful hai. Kyuki blog ki kuchh files hoti hai. Jise khona hamare liye bahut badi musibat ban sakti hai. Jaise Template zip file ya bolg ke all backups ham isme rakh sakte hain. Fir hamare blog ke liye kuchh jaruri coding hoti hain. Un sabhi codes ko ham Dropbox app me save kar sakte hain. Wapka site ko bhi design karne ke liye. CSS codes or Div style codes ko bhi Dropbox me save rakh sakte hain. Sochiye, agar ye sari chije ap memory card me rakhe ho. Or memory card corrupt ho jaye. To apke sare important files hamesa ke liye kho jayenge. To isliye apko ye Dropbox app istemal karna hi chahiye. ☺

Dropbox app use kaise kare?

Sabse pahle to ap ise download kar le. Hamne dropbox app ka logo upar image me dikha diya hai. Ye app play store ya kisi bhi website me aasani se mil jayegi. Download karne ke baad, app open kare.


Dropbox open karne ke baad aisa dikhega. Yahan apko do options milenge. SIGN UP or sign in ka option milega. Ye app aise hi kaam karta hai. Ap yahan account banate hain. Or us account me hi, apni sari files rakhte hain. Agar apka koi account nahi hai dropbox app me? To pahle apko account banana hoga. Iske liye pahle ap SIGN UP me click kare.


Apko aisa page milega.

  1. Yahan apko apna first name dalna hai. 
  2. Yahan surname dalna hai. Yaad rakhiye. Ye username nahi hai. Yahan apko apna naam hi likhna hai. 
  3. Yahan apko apna Email address dalna hai. Isi email se ap baad me sign in kar payenge. 
  4. Yahan password dale. Password hamesa strong hona chahiye. Or 10 character me hona chahiye. Jisme kuchh numerous or symbol bhi ho. To password bahut strong ban jata hai.
  5. Ab apko CREATE ACCOUNT me click kar de. 

Ab apko aisa page milega. Ap chahe to is app ke TERMS padh sakte hain. Nahi to I AGREE me click kare. 

Ab apko apna email verify karna hai. Iske liye apko ek email aaya hoga dropbox ke taraf se. Ap email check kijiye.


Apko ek link milegi. Us link par click kare. Or kisi bhi browser me open kare.


Ye dekhiye. Apko aisa massage milega verify ho jane ka. Ab apke account banane ki prakriya puri hui. Ab ap is app ka use kar sakte hain.

Dropbox use kaise kare?

Ye app ek najar me thoda confuse karta hai. But don't worry. Ham yahan apko puri jankari dene ke liye hi hai. 


Apko kuchh aisa najar aayega. Jab account bana lene ke baad ap ye app dekhenge. Apko yahan ek or option dikhega. Connect with computer. Ye option isliye hota hai. Taki ap is app me jo bhi files upload kare. Vo files computer me bhi use kar paye. Ya computer dropbox files ko phone me use kar sake. Agar ap chahe to connect kar sakte hain. Naa chahe to not now me click kar dijiye. Ham yahan sirf phone me istemal karne ki jankari de rahe hain, computer ki nahi. Ye page Recents ka hai. Matalab apne haal hi me jo files upload ki hai. Vo files apko yahan najar aayengi. Lekin apka main work files me jane se hoga. Uske liye image me dikhaye option par click kare.


Apko ye sare options milenge. In sare option ke bare me details se batate hain. 
  1. Yahan apko apni profile photo najar aayegi. Jo ap set karenge. Iski jaankari niche di hui hai. Image ke nich apko, apna naam or email address dikhai dega. 
  2. Ye setting icon hai. Isme click kar ke ap app setting me pahuch jayenge. Iski jaankari bhi vistaar se niche di hui hai.
  3. Recents yahan click kar ke, ap hal hi me upload kiye hue files me pahuch jayenge.
  4. Files ye sabse important feature hai. Yahi jaa kar ap apne sare files upload ya manage kar payenge. 
  5. Photos yahan apko upload kiye hue sare photos najar aayenge. 
  6. Offline files yahan apko vo files najar aayenge. Jise apne offline kiya hua hai. Is app me sab kuchh online hota hai. To agar ap kisi files ko, jaise images ya songs ko bina net ke use karna chahte hain. To us file ko apko offline karna hoga. 
  7. Yahan apko notification milenge. 


Ab ap files me jaiye. 
Jab ap files par click karenge. Tab ap Dropbox me pahuchenge. Is image ko dhyan se dekhiye. Ham ek-ek kar ke sare feature ke bare me batate hain.


Plus icon:

Is option me apko kai sare options milenge. Is par click kare.


Plus icon me click karne ke baad apko ye sare options milenge. 

1. Upload photos or videos:

Is option me apko sare photos or videos ek hi jagah dikhai denge. 


Ye dekhiye. Apko jin photos or videos ko upload karna ho. Use select kar ke upload dijiye. 

2. Upload files:

Is option se ap har tarah ki files upload kar sakte hain. Isme click kijiye.


Yahan us storage ko select kijiye. Jisme se files upload karni ho. 


Jahan apki files ho. Vo folder select kare. Yahan ham example ke liye. Images select kar ke bata rahe hain. Par ap songs, videos, apps, template or texts files bhi upload kar sakte hain. Select kar ke UPLOAD par click kar de. Fir apki files upload hone lagegi. 

3. Create new folder:

Ye option folder banane ke liye. Taki ham files ko sahi tarike se manage kar sake. Jaise song files ke liye. Song ka folder or images ke liye image folder.


Is option par click karte hi. Ek window khulegi. Imse ap apne folder ka naam likh ke, CREATE par click kar dijiye. Folder create ho jayegi. 

4. Create new text file:

Is option se ap text file bana sakte hain. Ye feature students bloggers or lekhako ke liye bahut useful hai. 


Is option me click karte hi aisa page milega. Yahan pahle apko jo likhana hai. Vo likh lijiye. Fir upar ke option me click kijiye.


Save file click kare. 


Ab text file ka title likh ke ok kar dijiye. Apki text file create ho jayegi. 

5. Take a photo:

Is option se ap direct phone camera on kar ke, koi bhi photo click kar ke dropbox me upload kar sakte hain.

6. Add file from computer:

Is option se ap dropbox ko computer se connect kar ke. Computer me rakhe files ko phone dropbox me upload kar sakte hain. 

File manage kaise kare?

Apne upload karna to jaan liya. Par apko har file ko manage bhi karna hota hai. Jaise delete karna move karna ya shear karna. To ye kaise hoga? Ham batate hain. Ap jo bhi file upload karenge. Us har file ke side me ek icon hota hai. ⠥␘␓␀


Ye image dekhiye. Ye file management icon hai. Is par click karte hi kai sare options milenge. Lekin ye sare option sirf ek file ke liye hi hain.


Apko ye sare options milenge. Iske bare me bhi apko vistaar se batate hain.

1. Shear:

Is option se apko shear karne ke sare option milenge. 


Shear par click karte hi apko aisa page milega. Shear karne ke liye. Create a link par click kare. 


Link create hone ke baad apko ye sare options milenge. Ap kisi ko bhi select kar ke, apni file shear kar sakte hain. Isme ek option Copy link ka bhi hai. Is option se ap link copy kar ke. Kahin bhi paste kar ke, apni file shear kar sakte hain. 

2. Open with:

Is option se apko usi file ko. Kisi or platform me open kar sakte hain. 


Ye dekhiye. Is option par click karte hi. Hame do option mile. Ye option image file ke liye hai. Music file ke liye music player ka option milega. 

3. Rename:

Is option se ap us file ko rename kar sakte hain. 


Apne file ka new name likhe or RENAME kar de. Apki file ka naye naam se save ho jayega. 

4. Move:

Ye option file ko, ek folder se dusre folder me move karne ke liye hota hai. 


  1. Agar apke is file ke liye koi folder nahi hai? To pahle folder create kar le. 
  2. Fir MOVE par click kare. Apki file move ho jayegi. 

5. Copy:

Ye option bhi move option ke jaisa hi hai. 


  1. Agar apne is file ke liye koi folder nahi banai? To yahan se direct bana sakte hain. 
  2. Fir PASTE kar dijiye. 

6. Export:

Ye option apko kisi bhi file ko dusri jagah bhejne ke liye hai. Kuchh-kuchh shear karne jaisa hai. Lekin is option ki khas baat ye hai ki, ap dropbox ke file ko apne memory card me save kar sakte hain. 


Ye dekhiye. Agar ap kisi bhi file ko apne memory card me save karna chahte hain. To Save to device me click kare. 


Ab apko vo folder select karna hai. Jisme vo file rakhni hai. Folder select kar ke Export par click kar dijiye. Kuchh hi der me apki file memory card me save ho jayegi. 

7. Comment:

Is option se ap us file par koi comment kar sakte hain. 

8. Offline:

Ye option is file ko offline me save karne ke liye hai. Kyuki ye app online kaam karti hai. To isme upload kiye hue. Sari chije ap online hi dekh pate hain. Lekin jis file ko apne offline me save kar rakha hai. Use ap bina net ke bhi dekh sakte hain. 

9. Delete:

Ye option file ko delete karne ke liye hai. Jise ap delete karna chahte hain. 

Three dots icon:


Is option me click karne se ye options aayenge.

1. Ye option files ko sort karne ke liye diye hue hain 


A - Z option se sare files ABCD ke hisab se dikhai dengi. 

Newest - Oldest option se apki sabse nayi upload ki hui file sabse upar dikhai degi. 

2. Ye option refresh karne ke liye hai. Jo ki har online use hone wale app ya browser ke liye jaruri hota hai. 

Tic (√) icon

Ye icon files ko multiple manage karne ke liye diya hua hai. 


  1. Jab ap tic icon par click karenge. To aisa page hoga. Apko jitni files select karni ho. Kar lijiye. 
  2. Fir upar three dots par click kare.


Ab apko ye sare options milenge. 

1. Save to Device:

Is option se ap sare files ko memory card me store kar sakte hain.

2. Move:

Is option se sare files ko ek sath kisi dusre folder me move kar sakte hain.

3. Copy:

Ye option bhi move karne jaisa hi hai. Sare files ko ek sath hi copy kar ke, dusre folder me paste kar sakte hain.

4. Make Available offline:

Ye option sari files ko offline me save karne ke liye hai. 

5. Delete:

Or ye sabhi files ko ek sath delete karne ke liye hai. 

Search icon:

Ye option apke file ko search karne ke liye hai. Apko jis file ko search karna hai. Us file ka name likhe. Apko file mil jayegi.

App setting:

Sare features ke bare me bata diya. Ab baat setting ki karte hain. Sabse upar image me dekhiye. Setting icon me click karte hi ap setting me pahuch jayenge. 


Apko ye sare option milenge. 
  1. Account photo me click karte hi. Apko photo select karne ko kaha jayega. Ap photo select kar ke. Profile photo set kar lijiye. 
  2. Connect a computer madad se ap dropbox app ko computer me connect kar sakte hain.
  3. Sign out of Dropbox se ap logout ho jayenge. Or baad me is app me aane ke kiye apko sign in karna hoga. 
  4. Upgrade account is option me click karte hi ap payment category me pahuch jayenge. Iske kuchh features payment karne ke baad use kar sakte hain. 
  5. Invite friends se ap apne other friends ko ye app use karne ke liye invite kar sakte hain.  
  6. Turn on camera uploads option bhi computer users ke liye hai. Phone users ke liye koi kaam ka nahi. 
  7. Configure passcode option apke privacy ke liye hai. Is feature se ap dropbox app ko lock kar sakte hain. 
  8. Manage default apps me apko vo apps dikhenge. Jise apne default app me set kiya hua hai. 
  9. Get early release option ko set karne se, ap apko is app ke naye update ki suchna milegi. 
  10. Cleat search history option se ap apne search history ko delete kar sakte hain. 
  11. Show download notification ko on rakhne se ap jo bhi download karenge. Vo download ho jane ke baad notification mil jayega. 
  12. Sync contact option ko on karne se. Apke contact me jitne bhi log dropbox app use karte honge. Unse ye app connect ho jayega. Or ap kisi bhi file ko direct us contact ke dropbox app me hi bhej sakte hain. 
  13. Help option se koi bhi help le sakte hain dropbox se. 
  14. Send feedback se ap apne vichar dropbox ko bhej sakte hain. 
  15. Legal & Privacy se ap is dropbox ke niyam or kanun jaan sakte hain. 

To friends ye raha Dropbox app ki puri jankari. Agar is app ko istemal karne ke pichhe koi confusion ho. To comment me puchhe. 

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊