Monday, August 15, 2016

Site kahan se banaye? Site banane ke liye konsa platform chune?


Hallo friends...
Aj ham fir apko site banane ke bare me ek bahut jaroori jaankari laye hain. Aj ham, site kis platform se banana chahiye? Is bare me baat karenge. Site kis platform se banana hai? Ye tay karna bahut jaroori hai. Taki baad me koi prblm naa ho. 

Platform ka choonav karna kyo jaroori hai ?

Platform ka choonav isliye jaroori hai. Taki, apke idea ko, apke view ko sahi se present kar sake. Maan lijie, apne apni site wapka me bana li. Lekin wahaan par design, WML XHTML CSS code apko samjh nahi aa rahi. To apka sirf time west hoga. Or agar apne apni site Blogspot me bana li. Lekin apke paas likhane ki kalaa nahi hai. Ya fir ap kisi dusre kaam me expert nahi hai. To fir Blogspot me apke liye kuch nahi rakha. WordPress bhi blogger ki tarah hi hai. But isme kuchh advanced feature hai. Lekin WordPress apke liye tab hi sahi hoga. Jab ap ek successful blogger ban jaye. Kyuki lagbhag har successful blogger baad me WordPress me sift ho jate hai. Ab to ap samjh hi gaye honge site ke liye sahi platform chunana kyu jaroori hai ? 

Blog me favicon kaise lagaye
Site banane se pahale kare ye planning

Site ke liye sahi platform aise chune

  1. Sabse pahale baat karte hain blogspot ke bare me. Blogspot me site banane se pahle, ap ye samjh le ki apke paas computer hona chahiye. Kyuki kai sari settings phone me nahi ho pati. Isliye computer ki vyavastha kar le. Or saath me apke paas likhane ka talent bhi hona chahiye. Kyuki Blogspot me apko likhana hota hai. Us visay me jisme ap expert ho. Kisi bhi visay me, jisme ap jaankari rakhate ho. Us baare me logo ko bata kar, ap ek successful blogger ban sakte ho. Agar ap ye soch rahe hai ki ap dusre blog ke topik or content copy kar ke, apne blog me pest kar denge. Or successful ban jayenge. To saavadhaan ho jaiye. Kyuki Google bevakuf nahi hai. Iske kanoon bahut sakht hai. Agar ap kisi ka content chori karte hai. To ye copyright ka ulanghan hoga. Agar kisi site wale ne apko pakad liye ki apne uska content chori kiya hai. To vo ap par case kar denge. Parinaam swaroop apki site Google block kar degi. Sath hi apko bhari jurmana bhi dena pad sakta hai. To isliye ap pahale sunischit kar lijie ki apko blog kis baare me likhana hai. Apna talent pahachaniye. Lekin aisa nahi hai ki Blogspot sirf likhane ki hi site hoti hai. Nahi nahi, yahan ap images or video ki site bhi bana sakte hain. Images upload karne ke bahut tarike hai. Ek to ap khud ki image upload kijie. Ya fir image URL se. Lekin yahaan bhi copyright ki baat aa jati hai. Kyuki kuch images site, apni images me khud ka URL daal ke rakhate hai. Lekin kuch websites hai. Jo blog me use karne ke liye free me images deti hai. To apko waha se free image mil jayegi. Lekin ap free images le kar puri site nahi bana sakte. Isliye images sirf utni hi le. Jitni ki jarurat ho. Or video ke sath bhi yahi baat lagu hoti hai. Video ap direct blog me upload nahi kar sakte. Video apko YouTube me upload karna hoga. Jise ap apne blog me add kar sakte hain.  Yani blogspot me sab kuchh apka, apna hona chahiye. Site bhi, content bhi or mehnat bhi. Blogspot me site kaise banaye ?
  2. Ab baat karte hai Wapka se site banane ke baare me. Pahale to iski khasiyat jaan lijie. Wapka se site banana bahut easy hai. Or yaha har tarah ki site bana sakte hai. Images, MP3 songs, videos, theme and software sab kuch support karta hai. Or upload bhi bahut aasani se kar sakte hai. Wapka images, videos, songs or app ki site banane ke liye bahut achchi site hai. Wapka site kaise create kare ? Lekin agar ap wapka se, lyrics, shayari, story or jokes ki site banana chahate hain. To ye wapka sahi nahi hai. Is tarah ki site banane ke liye liye apko Blogspot me site banani chahiye. Wapka me content uploading ki koi problem nahi hai. Lekin site design karna bahut muskil hai tab, jab ap WML XHTML codes nahi samjhate. Lekin iski bhi jarurat nahi hai. Agar ap simple site design hi chahate hain. To Wapka ke kuch feature apko puri help karte hain. Isliye ap bas kuchh basic functions ko jaan kar, wapka site ko achchhi tarah design kar sakte hai. Lekin aise me apko dusri site jaisa look nahi milega. Apko thodi compromise karni padegi. Wapka se video site banaye ?
  3. WordPress bhi Blogspot ke jaisa hi hai. Lekin Wapka or Blogspot se ap free site bana sakte hain. Lekin WordPress me apko paise dene hote hai. Yahi karan hai ki log suruaat blogspot se hi karte hain. WordPress or blogspot, lagabhag ek hi jaise hain. Bas antar itna hai ki blogspot par feature limited hai. Jabki WordPress par unlimited feature hai. Fir WordPress me site ke liye apko Hosting kharidani hogi. Jabki blogspot me iski koi jarurat nahi hoti. Blogspot me hamare post par, hamara pura control nahi hota. Jabki WordPress par sab kuchh apke control me hota hai.

To friends, ab to ap samjh hi gaye honge ki apko, apni site ke liye konsi platform chahiye? 

2 comments:

  1. free websit banane ka koi aur platfarm bataye wapka blogspot worldpress chodkr my email is rk1564958@gmail.com

    ReplyDelete
    Replies
    1. Google site, Wix or wapego in sab me bana sakta hai.

      Delete

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊