Friday, August 12, 2016

Site banane se pahale ye planning jarur kar le.

Hallo friends...

Aj ham baat karenge site making ya site create karane se pahale planning karne bare me. Ji haan doston. Jis tarah ghar banane se pahale, kisi business ko suru karne se pahle planning karna jaruri hota hai. Usi tarah site create karne se pahale bhi kuchh planning karani padati hai. Jo ki bahut jaruri hai. 


Site banane se pahale planning kyon jaruri hai ?

Agar ap site banane se pahale koi planning nahin karte hai. To aage jaa kar apko site design, site name, domain name or site content ko lekar bahut sari problems hongi. Or jahir si baat hai. Ap koi bhi problems nahi chaahate honge. 

  1. Ap kisi bhi platform se site create kar rahe ho. Par har platform me apko pahala kaam site name dalne ka hi karna hoga. Jo ki agar apne pahale se nahi socha hai to us waqt apka kafi samay naam sochane me chala jayega. Or agar apne koi naam daal bhi diya. To koi jaruri nahi ki us naam se pahale koi site naa bani ho. Isliye apko 2-3 baar try karna hoga. Jisme bahut samay barbad hota hai.
  2. Site kaa naam rakh lene ke baad, sabse badi problem content ki hoti hai. Or yahin se apki site ka kaam kharab ho jata hai. Maan lijie. Apne pahale se soch liya hai ki apko apni site me kya content daalna hai. Par apke site ka naam, apke content ko match nahi kar raha. To hui naa gadbad. Ye bahut badi problem ban jati hai hamare site ke traffic ke liye.
  3. Ab maan lijie. Apne jaise-taise site kaa naam or content ko manage kar liya. Lekin ab baari aati hai site ke look ki. Jo ki hamari site ke liye bahut jaruri hai. Hamari site kaa look achchha hona bahut jaruri hai. Agar apne ye planning nahi ki, ki apko kaisi design chahiye ya template chahiye? To bhi bahut dikkato ka saamana karna pad sakta hai.
  4. Ab site ke sare kaam kar lene ke baad, baari aati hai domain lagane ki. To yahan to plan karna bahut jaruri hai. Kyuki ho sakta hai ki, apne jo site kaa naam rakha ho. Us naam ka domain pahale se registered ho. To site ka naam alag or domain ka naam alag-alag rakhana site traffic ko nuksaan pahucha sakti hai.
  5. Apke pas Google account hona chahiye. Agar nahi hai to ap site create nahi kar payenge. Site banane ka platform chaahe koi bhi ho. Par vo apse email address jarur mangata hai.

Site banane se pahale in chijo ko plan kare.

  1. Sabse pahale to ap content chune ki apko, apki apni site me kya content dena hai. Jaise music, videos, shayari, images, joke, news etc. Agar ap site wapka se bana rahe hain. To content selection me koi problem nahi hogi. Kyuki wapka images, videos, songs or software, har chij ko support karta hai. Wapka se video site kaise banaye ? Lekin agar ap blogger me site bana rahe to content ka pura khyal rakhna hi padega. Meri mane to ap usi content ko apne blog me rakhe. Jisme ap maahir ho. Or logo ko us vishay me train kar sake. 
  2. Content decide kar lene ke baad, apko apni site naam sochna hoga. Kyuki site kaa naam bhi apke content se match karna chahiye. Site ke naam se visitors anuman lagate hai ki, unhe yahan vo milega ya nahin? Jo vo search kar rahe hain. To site ka naam aisa hona chahiye jo apke site ke content ko support kare.
  3. Ab baari aati hai domain name ki. Domain name or site name ek hi hona chahiye. Dono ka naam ek hone se site ke traffic ko bahut help milti hai. Jaise, maan lijie apki site kaa naam or domain name alag-alag hai. To koi bhi visitor usko direct url se search krega to use site nahi milegi. Kyuki hamari site ka naam, hamari site ke header me hota hai. Jo ki har visitor ko yaad rah jata hai. To agar visitor usi naam se, direct url search kare, to unhe hamari site nahi dikhegi. For example apki site ka naam "My site" hai. Lekin apka domain www.yoursite.com hai to, visitor apki site ka url www.mysite.com laga kar search karenge. To unhe kaise milegi apki site. Kyunki apki site ka domain to www.yoursite.com hai naa. Isliye site name or domain name ek hi hona chahiye. Ap pahale ye nischit kar lijie ki apko jis naam ka domain chahiye. Vo available hai yaa nahi? Kyuki jis tarah site ka naam rakhne ke liye, us naam ka available hona jaruri hai. Usi tarah domain register karte waqt bhi us naam ka available hona jaruri hai. Lekin ye kaise pata kare ke konsa naam, site or domain, dono ke liye available ho. To ye pta karne ka bahut aasan tarika hai. Ap pahale domain name check kijie ki is name me domain available hai ya nahi. Kyuki domain available hai. To usi name se site name available hone ke pure chances hai. Domain name check karne ke liye ap www.freenom.com me jaake check kar sakte hain. Fir site name ko lekar koi risk naa lete hue. Jo domain name available hai. Usi name ko Google me search kar ke pata kar lijie. Apko apka sahi name mil jayega.
  4. Ab bari aati hai site design ki. Site ko design karna bhi, site ke platform par depend karta hai. Jaise agar apne wapka se site banai hai. To apko site css code or WML, XHTML codes ki madad se karni hogi. Lekin agar apne wapka se officially video site banai hai. To apko template chunana hota hai. Or yahi kaam apko blog site ko design karte waqt bhi karna hota hai. Apko aisa template chunana chahiye. Jo mobile friendly ho. SEO friendly ho. Or fast load hota ho. Sath hi simple color ho. Jo visitors ko dekhne me achcha lage.
  5. Apke paas email yaani ki Google account hona hi chahiye. Kyoki email se hi apki site banegi, verify hogi, Google search engine se judegi. Site ko Google search engine se jodane ke liye apka Google account hona chahiye. Yaad rakhiye Google account or gmail, ye sab ek hi service hai Google ki. Or ek hi account se ap sab kuchh kar sakate hain. Agar apke paas Google account nahin hai. To pahale Google account kaise banaye  padhe. Or apki site ko yahoo or bing search engine se jodane ke liye. Apke paas Microsoft account hona chahiye. 


To ap jaan chuke hain ki apko site banane se pahale planning kyon karni chahiye or kya karni chahiye? Ham aage bhi kuchh information lekar aayenge apke liye. Jo apke bahut kaam aayegi.

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊