Thursday, August 11, 2016

Phone se Gmail account kaise banaye


Hallo friends...
Aj ham apko phone se Gmail account banana sikhayenge. Kuchh log sochate hain ki gmail account banane ke liye computer ki jarurat hoti hai. Jabki aisa nahi hai. Phone se bhi gmail account ban sakta hai. Duniya me kai prakar ke emails hai. Gmail, Yahoo mail, hot mail. Gmail Google ki service hai. Isliye ise Gmail kahte hai. "G" se Google ka email, Gmail kahalata hai. Gmail account hona bahut jaroori hai. Google ki sari service, yani gmail, google+, you tube, google drive ka laabh utha sakte hain. Sath hi ye sampark ka bahut hi aasan jariya hai. Sath hi ye kai site me verification ke liye bhi kaam aati hai. Email account se ap kai site me account bhi bana sakte hai. Jaise ki Facebook. To chaliye ab apko batate hai ki gmail account kaise banate hai? 


Sabse pahale apko www.gmail. com me jana hoga. 



Ab apko create account me jana hai.



Ab apko aisa page milega. Image ap dekh rahe honge ki, Create a new Google account ke paas 1 2 3 4 likha hua hai. Matalab apko bas 4 step hi follow karne hai gmail account banane ke liye. To ye pahla step hai. Yahan apko apna phone number dalana hai verification ke liye. Apna country code chun kar, number daal de. Fir next par click kare. 



Kafi sari sites hoti hai. Jo verification ke liye code number nahi, balki link bhejati hai. Or google bhi aisi hi site hai. Hamne jo number dala tha. Us number par link aa aaya hai. Is link ko open kare. Kisi bhi browser me. Yaad rakhe, gmail account banane ke liye. Apna hi number use kare. Kyuki bhavishya me agar ap apna password bhul gaye, ya account hack ho jaye. To account recovery ke liye, apka number hi kaam aayega. 



Link open karne ke baad, apke samne second step page aayega.

  1. First name me apna naam likhe. 
  2. Last name me apna surname likhe. Ap apne original name se hi account banaye.
  3. Janm ka mahina choone.
  4. Janm taarikh likhe.
  5. Ap jis varsh janme the. Vo likhe.
  6. Gender me, agar ap purush hai to male, or mahila hai to female chune.
  7. Ab next par click kar de.


Ab ap third step me aa gaye hain. Yahan apko username bharna hai. Ap, apna username create kar sakte hai. Lekin isme thodi paresani hoti hai. Kyuki apne jo naam dala hai. Uska available hona jaroori hai. Isliye aasaan tarika hai ki ap username select kar le. Lekin apko apna username yaad rakhana hai. Kyuki yahi apka gmail address hoga. Ap jo bhi username chune, fir select par click kar dijiye. 


Ab baari fourth step ki, yani final step ki. Yahaan apko, apna password daalna hai. Dono box me ek hi password daale. Or finish par click kar de.


To lijiye, ban gaya apka gmail account. Ap sign out par click kar ke, ap ise band kar sakte hai. Or sign karne ke liye, hamne jahan se create account kiya tha. Wahin par gmail daal ke next par click kijiyega. Fir password daal ke sign in kar lijiyega. 


To dekha friends...
Kitna kitni aasani se hamne phone se gmail account bana liya. Ye sare screen sort android phone ne liye gaye hai. Computer me gmail account alag tarah se banta hai. To ye information sirf phone me gmail account banane ke kaam aayegi. 

Hamne puri kosis ki hai sabhi baate vistar se batane ki. Lekin fir bhi agar apko kuchh samajhane me paresani ho rahi hai. To comment me puchhe. Ham help karne ki puri kosis karenge. 

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊