Monday, August 22, 2016

Image, song, video, software or page ka url kaise nikale ? Seekhiye hindi me. Screen sort ke sath.


Hallo friends...
Aj ham apko Url nikalana seekhayenge. Sabse pahale to ye jaan lijiye ki Url kya hai ?
Url ek direct link hoti hai. Jiske madhyam se ham direct us jagah pahuch sakte hai. Jis chij ka url address ho. Jaise ki agar image ka url apne kisi ko bheja. To vo us url par click kar ke direct us image ko dekh payega. Matalab ap image send kiye bina hi, apne friends ko image dikha sakte hai. Waise hi song or video ke url ke sath bhi hota hai. Agar ap apne friend ko koi song bhejana chahe to ap us song ka url link sent kar dijiye. Jis par click kar ke apka friend, direct us song ko download kar payega. Agar ap kisi ko koi page bhi dikhana chahe chahe to page url bhej ke dikha sakte hain. To hai naa ye bahut kaam ki. To chaliye seekhate hain Url nikalana.

Ham apko UC browser se url nikana batate hain. Kyuki isme image url nikalana aasan hai. Khas kar jab ap, apni site me image ko, url se upload kar rahe ho. Tab UC browser se nikala gaya image url hi support karega. Isliye jab url uploading ke liye chahiye ho. To UC browser hi use kare. Hamne sare screen sort bhi UC browser se hi liye hain.

Pahale ham apko image ki url nikalana seekhate hain. Sabse pahale ap Google se vo image select kijiye. Jiska url nikaalana hai. Fir fir us image par click kare or fir View in full size par click kare.


Jab ap UC browser se view in full image kar dekhenge. To aisa page aayega. Ab ap dahini taraf, niche ki or dikhayi de rahe 3 dots par click kare.


Ab ap View Page Info par click kare.


Yahaan apko url mil jayega. Ap Select image URL ko copy kar lijiye. Fir jahan ise use karana hai, wahan kare.

Ye to hua image url nikalane ki baat. Par song, video or software ka url thoda alag tarike se nikalate hai. Image me to apko image url milata hai. Lekin song, video or software ka link url hota hai. Yani in song, video or software, in teeno ka url ek hi tarike se nikalata hai. Pahale hame download link dhundhana hota hai. Fir url nikalana hota hai. Pahale to ap us song ya video ya software ko select kijiye. Jiska url nikalana ho. Fir uska download link dhundhiye. Jaise ki is image me dekhiye.


Image me dekhiye. Hamne download link me click kiya to download ka option mila. Yani jis link me click karane se, download ka option aaye. Use hi download link kahate hai. Par apko download nahi karna hai. Apko url nikalana hai. Isliye download cancel kar dijiye.


Download cancel ho gaya. Ab ap download link ko, kuchh der dabaye rakhe. Fir apko ye sare options milenge. Jaisa ki ap image me dekh rahe hain. Fir ap View Page Info me jaiye.


Ab apko aisa page milega. Apko song ka url mil gaya hai. Ab ap Select link URL copy kar lijiye. Or jo use karna ho kijiye.

View page info me hi, apko page url bhi mil jayega.


Ye dekhiye. Ap jo page padh rahe hain. Us page ka url.

Ye to hui UC browser se url nikalane ki baat. Ab apko Chrome browser se url nikalne ke trick batate hain.


Ham apko me blog ki pic dikha kar bata rahe hain. Kyuki ham kisi dusre website ki pic ka use nahi kar sakte. Chrome browser me ap jis bhi link ka url nikalana chahte hai. Usme click kar ke hold kijiye. Matlab 2 second click kar ke ruke rahe. Ham yahan par view par click kiye hain. Kyuki hame is page ka url viewer ke liye chahiye. Isliye hamne view par click kiya.


Fir apko aise options milenge.


  1. Isme click karne se ye link naye tab me open ho jayega. 
  2. Yahan click karne se ye link new incognito tab me khul jayega. 
  3. Yahan click karne se apka link url copy hoga. 
  4. Yahan click karne link text copy hoga.
  5. Yahan click karne se link save ho jayega, apke storage me. 

Hamne Copy link address par click kar ke url copy kar liya. Or vo URL ye http://www.hindimeseekhe.tk/2016/08/image-song-video-software-ke-url-kaise.html hai. UC browser se nikala hua URL, or URL dono same hai. Is url par click karte hi. Ap isi page par wapas aa jayenge.

Ye to ho gayi link se URL nikalne ki baat. Lekin agar apko chrome browser se page ka URL nikalna ho to ? Jaise Facebook, Twitter ya Google+ ka URL. To iske liye bhi bahut hi aasan si trick hai.

Sabse pahle to apko jis page ka url chahiye. Us page par jaiye. Jaise ki hame isi post ka url chahiye. To ham is post par aa gaye.


Yahan par click kare. Kyuki yahin apka page url hai.


Blue color ke mark me apka url hai. Use copy kar lijiye. Or jahan use karna ho, wahan use kijiye. URL me jo hamne red color se mark kiya hai. Use copy karne ki jarurat nahi. Use useless code hai. Isi trick se ap kisi bhi ka URL nikal sakte hain. Jo ki Blog ke liye, bahut useful hai.

Note: agar ap apni wapka site me upload karane ke liye url nikal rahe hain. To dusre kisi bhi browser se, song, video or software ka url nikal kar upload kar sakate hai. Lekin agar ap image upload karna chahe to, sirf UC browser se nikala hua image url hi support karta hai.

Ham umeed karte hain ki ap url nikalana achchi tarah samjh gaye honge. Agar fir bhi koi asmanjas ho. To comment kar puchhiye. 

2 comments:

  1. Jis option par click karne se video download hone lage. Wahi video URL hai. Us par click kar ke kuchh der hold kijiye. Fir copy link par click kar ke copy kar lijiye. Video URL nikal jayega.

    ReplyDelete

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊