Wednesday, August 31, 2016

Favicon kaise generate kare ya banaye


Hallo friends...
Aj ham apko Favicon generate karna batayenge.

Sabse pahale to ap ye samajh lijiye ki favicon kya hai ? Mere liye favicon site ke pahchan jaisi hai. Iski identity hai. Ham sirf favicon dekh kar site ko pahchan sakte hain. Jaise Facebook ke liye "f" hai or Google "G" hai. Usi tarah Blogspot ke liye "B" hai. Wapka  ke liye "w" favicon show hota hai.


Is image me dekhiye. Ye sare favicon hi hai. Favicon site me tab show karta hai. Favicon 16×16 ki ek chhoti si image hoti hai. Jo hamare site ko bookmark me dikhati hai. History or multiple tab me ye hamare site name ke pahle show karti hai. Jisse users ko, hamari site dhoondhane me asaani hoti hai.

Hamari site me favicon lagana kyu jaroori hai ?

Favicon lagana naa lagana apki marji ke upar depend karta hai. Par favicon lagana hamare site ke liye achchha hota hai. Hamare site ko ek professional look deta hai. Agar ap, apne blog me favicon nahi lagate. To blogspot ka default favicon "B" show karega. Or aisa lgega ki apne apni site blogspot par kiraya de kar banaya ho. Or users ko bhi ye bilkul pasand nahi aayega. Favicon matalab Fav+icon. Matalab meri site ke liye. Mera favorite icon. To chaliye favicon generate karna batate hain. 
Sabse pahle to ap apna khud ka favicon bana le. Apko jaisi favicon chahiye. Favicon banana hi thik rahta hai. Kyuki is baat ki puri guarantee hoti hai ki apke site jaisa favicon kisi paas nahi. Lekin agar ap nahi bana sakte. To bhi chinta mat kijiye. Uske bhi kai tarike hain. Lekin pahale favicon generate karna batate hain.

Sabse pahle to ap www.favicon-generator.org me jaiye.


Ab apko choose file par click kar ke vo image select kijiye. Jise ap Favicon me badalna chahte hai. Fir Generate only 16×16 favicon.ico me click kijiye. Image dekh kar sure ho jaye. Fir Create Favicon par click kijiye.


Ab favicon create ho chuka hai. Ab Download the generated favicon par click kar ke download kar lijiye.

Ap jo favicon geneate kar ke download karenge. Vo zip file me hogi. Or blog me favicon lagane ke liye. Favicon 16×16 ki honi chahiye. Zip file kya hai, or favicon zip file ko. Unzip kaise kare ? Ye janane ke liye Ye post padhe.


Jab favicon nahi bana sakte to ye kare.

Hamne favicon generate karne ke liye jo website apko batai hai. Usi website me kuchh or bhi feature hai. Jiski help ap le sakte hain. Tab, jab ap khud se koi favicon nahi bana sakte. 
Site me jate hi ap page scroll down kijiye. Apko ye milega.


Ye dekhiye. Yaha se ap select kar sakte hai. Ki apko kaisa favicon chahiye ? Ap color or letters me se, jise chahe select kijiye. Apko us color ya letters se jude, bahut sare favicon mil jayenge.


Ye dekhiye. Hamne H letters select kiya tha. To yaha itne sare favicon mil gaye. Apna favicon pasand kare. Or download icon me save kare. Lekin agar apko favicon pasand hai. Lekin color passnd nahi. To ap drow option me click kare. Fir apni pasand ka color drow kar de. Fir download kar le. 

Agar is trick se bhi baat na bane ? To ye kare.

Agar ye tarika bhi kaam naa kare. To ap images ka sahara lijiye. Ap google se Alphabet H image likh kar, ya apni pasand ka koi bhi letters likh kar search kijiye. To apko us letter ke bahut sari designer Alphabet mil jayenge. Bas use download kar lijiye. Or usi image ko is site me generate kijiye. 

Ab sabse aakhiri problem.

Agar apke pas computer nahi hai. To problem ye hogi ki apka favicon create to hoga. Par download nahi hoga. Or download nahi hoga. To blog me nahi laga payenge. Lekin ghabarane ki jarurat nahi hai. Iski bhi ek asaan si trick hai. Apne, apne phone me koi photo editor app to rakha hi hoga. Bas apne jo image favicon banane ke liye download kiya hai. Usi image ki size 16×16 kar dijiye. Tab ye image favicon banane ke liya ho jayega. Hai naa sabse asaan tarika. To ab ap favicon laga sakte hain. 

Note: hamne sare screen sort phone se li hai. Agar ap computer se favicon create kar rahe hain. To screen kuchh alag show ho sakta hai.

No comments:

Post a Comment

Apko post kaisa laga jarur bataye. Sath hi hamare website ko subscribe jarur kare. Apka comment verification ke baad hi dikhai dega. Comment karne ke liye dhanyavaad. 😊